на Русском
ՃՏՊ՝ Հայկավան-Բամբակաշատ ավտոճանապարհին
Տեղի է ունենում ՀՀ ԱԺ արտահերթ նիստ․ Ուղիղ
Պետրոս Ղազարյանն իր գրառմամբ միացել է Վիտալի Բալասանյանի դեմ կազմակերպված արշավին. Մեդիա Պաշտպան
«Մեդիա Պաշտպան» ֆեյսբուքյան էջում գրված է.
«Կանխակալ քարոզչությունը նաև անձնական դիրքորոշում է
Հայաստանի Հանրային հեռուստատեսության՝ Հ1-ի, քաղաքական եւ լրատվական հաղորդումների պատասխանատու Պետրոս Ղազարյանն իր ֆեյսբուքյան գրառմամբ միացել է Արցախի հերոս Վիտալի Բալասանյանի դեմ կազմակերպված արշավին։
Սահմանին լարվածության վերաբերյալ լրագրողի հարցին Բալասանյանը, ի նկատի ունենալով Նիկոլ Փաշինյանին, պատասխանել էր՝ գնացեք իրենից հարցրեք, ինքն է լիֆտի մեջ Ալիեւին տեսել։ Այս արտահայտությունը իշխանական քարոզչությունը համարում է արհամարհանք Նիկոլ Փաշինյանի նկատմամբ եւ հակահարված է տալիս՝ հարձակվելով Վիտալի Բալասանյանի անձի վրա։
Պետրոս Ղազարյանը միանում է այդ հարձակմանը, իր ֆեյսբուքյան ստատուսում օգտագործելով թեեւ հայտնի, բայց բավականին պարզունակ քարոզչակյան շտամպերը՝ Նիկոլ Փաշինյանը մեր կողմից ընտրված վարչապետն է, ուրեմն նրա նկատմամաբ արհամարանքը արհամարանք է բոլորիս նկատմամբ, վերելակային զինադադարի շնորհիվ պակասել են զոհերը սահմանում, կոռուպցիան բանակում արմատախիլ է արվել եւ այլն։
Պետրոս Ղազարյանը ոչ մի նոր փաստարկ չի ավելացրել անտիբալասանյանական քարոզարշավին, դրա փոխարեն եւս մեկ անգամ իրեն դրսևորում է որպես իշխանական քարոզչության առաջամարտիկ։ «Մեդիա պաշտպան» նախաձեռնությունը բազմիցս է անդրադարձել Հանրային հեռուստատեսության կողմնակալ վերաբերմունքին եւ չհավասարակշռված լրատվությանը, ինչի շնորհիվ լրատվամիջոցը վեր է ածվել քարոզչամիջոցի։
Պետրոս Ղազարյանի գրառումը ցույց է տալիս, որ հանրային ֆինանսավորում ունեցող Հանրային հեռուստատեսության կողից կանխակալ քարոզչությունը միայն իշխանության հրահանգով չէ, այլ նաեւ նրա քաղաքական եւ լրատվական հաղորդումների պատասխանատուի անձնական դիրքորաշման»։
