Արիա Սթարքը նման ճակատագրի արժանի չէր. «Գահերի խաղը» սերիալի աստղի խոստովանությունը
«Գահերի խաղ» հեռուստասերիալի 8-րդ եթերաշրջանի երրորդ էպիզոդը՝
«Ճակատամարտ Վիթերֆելի համար», մեծ տապավորություն է թողել երկրպագուների
վրա: Այս էպիզոդն արդեն մեկնաբանել է նաև Ջոն Սնոուին մարմնավորող Քիթ
Հարինգթոնը, իսկ նրանից հետո սերիայի մասին խոսել է նաև Արիային
մարմնավորող Մեյզի Ուիլյամսը, որը EW հանդեսի հետ զրույցում խոստովանել է,
որ սկզբում հանդիսատեսից ակնկալում էր բացասական արձագանք:
Սյուժետային շրջադարձն այդ սերիայում ցնցել է բոլորին, և Մեյզի
Ուիլյամսն էլ բացառություն չէ: Դերասանուհին խոստովանել է, որ կարդալով
սցենարը` լարվել ու մտահոգվել, քանի որ այդ ժամանակ մտածել է, որ
հանդիսատեսի արձագանքը բացասական կլինի:
«Դա անհավանական էր ու կլանող, բայց ես միանգամից մտածեցի,
որ մարդիկ կատեն այդ սյուժետային լուծումը, իսկ Արիան դրան հաստատ արժանի
չէ: Յուրաքանչյուր սերիալում ամենաբարդը անպարտելի չարագործին հաղթելն է:
Դա պետք է լավ մատածված արվի, հակառակ դեպքում հանդիսատեսը գոհ չի մնա:
Նրանք կասեն, որ նա փաստորեն այնքան էլ հզոր չէր, որ փոքրիկ աղջիկը
կարողացավ հաղթել նրան»,- ասել է Մեյզի Ուիլյամսը:
Դերասանուհին նաև նշել է, որ նույնիսկ իր ընկերն էր մտածում, թե Գիշերվա արքայի հետ մենամարտելու է Ջոն Սնոուն:
Երրորդ սերիայի ռեժիսոր Միգել Սապոչնիկը նշել է, որ իսկզբանե իրենց
նպատակն է եղել հանդիսատեսին համոզել, որ Գիշերվա արքային հենց Սնոուն
կսպանի և տեսախցիկները այդ լարված պահին հենց Ջոն Սնոուին էին
«հետապնդում»: Բայց վերջին պահին ռեժիսորի որոշումը կանգ է առնում Արիա
Ստարկի վրա: