Նախագահը ևս կին է՝ մեծացած ավանդական վրացական ընտանիքում. Սալոմե Զուրաբիշվիլին՝ Զատկի տոնի պատրաստություններին. (տեսանյութ)
Վրաստանի «Իմեդի» ՀԸ-ն, տեղեկացված լինելով նախագահ Սալոմե Զուրաբիշվիլիի զատկական նախասիրությունների մասին, ընդարձակ ռեպորտաժ է նվիրել նախագահին՝ բոլորովին նոր լույսի ներքո ներկայացնելով նրան:
Զատկի տոնին ընդառաջ Թբիլիսիի տիկնայք հաճելիորեն զարմացել են՝ սուպերմարկետում տեսնելով բանջարեղեն ու այլ մթերք ընտրող նախագահ Զուրաբիշվիլիին: Մարդիկ զարմանում, մոտենում, բարեհամբույր բարևում, անգամ սելֆի են արել նախագահի հետ՝ հայտարարելով, որ ամեն օր չէ, որ կարելի է գնումներ անող նախագահի հանդիպել: Զուրաբիշվիլին հանգիստ շրջել է սրահներում, վերցրել իրեն անհրաժեշտ մթերքները՝ թերահավատներին անձայն հիշեցնելով, որ նախագահը ևս կին է՝ մեծացած ավանդական վրացական ընտանիքում։ Զուրաբիշվիլին երկու երեխաների մայր է:
«Այսօր առավոտյան լողավազանում էի: Այնտեղ ևս ինչ-որ մեկը շատ զարմացավ: Ասաց, որ, երբ նախկինում նախագահն ինչ-որ մի տեղ էր այցելում, նախապես բոլոր փողոցները փակում էին: Այժմ աստիճանաբար համակերպվում են, որ նախագահը ևս մարդ է»,- ասել է Զաբաբիշվիլին Imedi ՀԸ- ին տված հարցազրույցում:
Զուրաբիշվիլին պատմել է, որ յուրաքանչյուր տարի, հավատարիմ ընտանեկան ավանդույթներին, ձու է ներկում և պարտադիր անձամբ է թխում տոնական Կուլիչը:
Հայտնի է, որ Զուրաբիշվիլին ծնվել է Փարիզում՝ վրացի վտարանդիների ընտանիքում: Նրա խոսքերով ՝ Զատիկը նրա մանկության կարևոր տոնն էր: Հայրը, որը Փարիզի վրացական եկեղեցու բացման նախաձեռնողներից մեկն էր, հավատացած էր, որ Սուրբ շաբաթվա օրերին պետք է խստորեն հետևել բոլոր կրոնական կանոններին: Հետևաբար, ընտանիքը հաճախ էր այցելում եկեղեցի, իսկ ինքը՝ Սալոմեն, երգում էր եկեղեցական երգչախմբում: Տոնական ծառայությունից հետո ընտանիքով գնում էին ռեստորան»,- պատմել է նա:
Զուրաբիվիլին հիշել է նաև, որ ընտանիքում Զատկի տոնին միշտ կուլիչներ են թխել: Դրանց մեծ վարպետը եղել է հորեղբայրը, որը լավ կուլիչ ստանալու համար միշտ խորհուրդ էր տալիս երկար հունցել խմորը, մինչև «քրտինքի կաթիլը կաթա» խմորի վրա, ծիծաղով պատմել է Զուրաբիշվիլին՝ հավելելով, որ միշտ մտածել է, թե էլ ինչպե՞ս է ուտելու այդ թխվածքը:
Նա խոստովանել է, որ արդեն հասուն տարիքում, անգամ հեռավոր երկրներում աշխատելիս, միշտ նշել է Սուրբ Հարության տոնը՝ փորձելով գտնել համապատասխան մթերքներ: Հիշել է, որ անգամ Աֆրիկայում է թխել կուլիչ ու հյուրասիրել գործընկերներին:
Նախագահ Զուրաբիշվիլին արտասահմանում գտնվող հարազատ զավակների Սուրբ Ծննդյան տոնը շնորհավորել է skype-ով՝ նշելով , որ պատրաստություն է տեսել ընկերների համար, որոնց առաջին հյուրասիրությունը լինելու է իր ձեռքով ներկած Զատկի ձվերն ու պապական բաղադրատոմսով թխած կուլիչները: