Պատահական մարդիկ պարզապես աղետ են երկրի համար. Նաիրա Զոհրաբյան
Ազգային ժողովում ձեւավորվել է աշխատանքային խումբ, որտեղ ընդգրկված են երեք խմբակցությունների պատգամավորներ, քննարկվելու է ընտրական բարեփոխումների հարցը։
ԲՀԿ պատգամավոր, ԲՀԿ խմբակցության անդամ Նաիրա Զոհրաբյանը –ի հետ զրույցում նշեց, որ ինքը մինչեւ աշխատանքային խումբ ստեղծելը շրջանառության մեջ էր դրել ընտրական օրենսգրքի փոփոխությունների նախագիծ, որն արդեն հետ է կանչել։
«Ստեղծված աշխատանքային խումբը հնարավորություն կտա համապարփակ ներկայացնելլ բոլոր այն մտահոգությունները, որոնք ես ներառել էի նախագծում։
Կարեւոր է, որ մենք ունենանք կոնսենսուսով ընդունված ընտրական օրենսգիրք»,– ասաց Նաիրա Զոհրաբյանը։
ԲՀԿ պատգամավորի թիրախում նախ եւ առաջ ռեյտինգային ընտրակագից հրաժարվելն է, որը, ըստ նրա, ապաքաղաքականացնում է ընտրությունները։
ԲՀԿ–ն առաջարկում է նաեւ ներմուծել քաղաքական դեբատների մշակույթ՝ բոլոր քաղաքական ուժերի համար, որի ընթացքում քաղաքացին կարող է ընտրություն կատարել՝ ծանոթանալով քաղաքական ուժերի եւ թեկնածուների ծրագրերին եւ գաղափարներին. քաղաքացին պետք է ընտրություն կատարի, ոչ թե անձերի, այլ ծրագրերի եւ գաղափարների միջեւ։
«Բազմաթիվ խնդիրներ կան ընտրական օրենսգրքի սողանքները փակելու։ Հիմա հապճեպ ընտրական օրենսգիրք չենք մշակում, մինչեւ հաջորդ ընտրություններ դեռ ժամանակ կա, մենք ժամանակ ունենք օրենքը մշակելու եւ կունենանք գրագետ ընտրական օրենսգիրք»,– ասաց Նաիրա Զոհրաբյանը։նա։
ԲՀԿ պատգամավորը միաժամանակ շեշտեց, որ որեւէ օրենք երաշխիք չէ ազատ եւ արդար ընտրության, եւ պետք է, որ իշխանությունը քաղաքական կամք դրսեւորի։
«Հույս ունենք, որ իշխանությունը հաջորդ ընտրությունների կառաջնորդվի այն կարգախոսով, որ չի միջամտի ընտրական գործընթացներին։ Հնից մնացած պաշտոնյաներ կամ նոր պաշտոնյաներ կան, որոնք մտածում են նախկին խաղի կանոնների մասին՝ մինչեւ հաջորդ ընտրություններ այդ ցանկությունը կմարի եւ մենք կունենանք ազատ եւ անկախ ընտրություններ»,– ասաց նա, հիշեցնելով, որ
վերջին՝ դեկտեմբերյան ընտրություններում, դեռեւս տեղական մակարդակում շարունակվում էր նախկին ընտրական գործելաոճը, որն արձանագրել էր անձամբ Սյունիքի մարզում։
ԲՀԿ–ն առաջարկելու է նաեւ նվազեցնել կուսակցությունների 5 տոկոսի շեմը, որը հնարավորություն կտա նոր ստեղծված կուսակցություններին ներկայացված լինել խորհրդարանում։
«Եթե նախկինում ընտրություն կատարվում էր փողի եւ ավելի շատ փողի միջեւ, հիմա՝ ծրագրերի եւ գաղափարների միջեւ»,– ասաց նա։
Ինչ վերաբերում է խորհդարանականների թվին, ապա Նաիրա Զոհրաբյան ասաց, որ իր համար կարեւոր չափանիշ է պրոֆեսիոնալիզմը։
Նա նաեւ պատգամավորի թեկնածու առաջադրման համար որոշակի չափանիշներ է դիտարկում եւ գտնում է, որ մարդիկ պետք է հասկանան, թե որտեղ են հայտնվել եւ Խորհրդարանում իրենք անելիք ունեն, թե՞ ոչ՝ չբացառելով սահմանադրական փոփոխությունների հնարավորությունը։
«Պատահական մարդիկ պարզապես աղետ են երկրի համար։ Նման մարդիկ հայտնվում են Խորհրդարանում եւ նրանց տրվում է որոշումներ կայացնելու լիազորություն։ Մենք պետք է անենք առավելագույնը՝ պատահական մարդկանցից երկրի խորհրդարանը զերծ պահելու համար»,– ասաց Նաիրա Զոհրաբյանը։