«Ալաշկերտը» եզրափակիչում է
Ֆուտբոլի Հայաստանի գավաթի խաղարկության կիսաեզրափակիչի պատասխան խաղում «Ալաշկերտն» ընդունեց «Արարատ-Արմենիային»։ Դարպասի գրավում չգրանցվեց՝ 0։0։ Եզրափակիչ դուրս եկավ «Ալաշկերտը», որն առաջին խաղում մրցակցի խաղադաշտում 2 գոլ էր խփել։ Գրանցվել էր ոչ ոքի՝ 2։2։
Եզրափակիչում «Ալաշկերտի» մրցակիցը կլինի Վանաձորի «Լոռին», որի մրցակից «Բանանցը» կիսաեզրափակիչի պատասխան խաղում հրաժարվել էր դուրս գալ խաղադաշտ։
Եզրափակիչը տեղի կունենա մայիսի 8-ին «Բանանց» մարզադաշտում եւ կմեկնարկի 19:30-ին։