Ջավադյանը նախագահելու է հայ-գերմանական հիմնադրամի ծրագրերի դիտորդ խորհրդի հերթական նիստը
Կենտրոնական բանկի նախագահ Արթուր Ջավադյանը մեկնել է Ֆրանկֆուրտ, որտեղ նախագահելու է գերմանական KfW բանկի հետ համատեղ գործող գերմանա-հայկական հիմնադրամի ծրագրերի դիտորդ խորհրդի հերթական նիստը:
Կենտրոնական բանկից հայտնում են, որ նիստում քննարկվելու են KfW բանկի հետ իրականացվող ընթացիկ ծրագրերը եւ վերջիններիս հնարավոր զարգացումները, ինչպես նաեւ վերականգնվող էներգետիկայի, բնակարանային ֆինանսավորման ոլորտներում (հիփոթեքային շուկայի զարգացման համար) եւ ՓՄՁ եւ առեւտրի ֆինանսավորման համար երեք նոր ծրագրերի իրականացման հնարավորություններն ու ժամկետները:
Կողմերը քննարկելու են արդեն հաստատված, գյուղատնտեսության ֆինանսավորման համար նոր ծրագրի պայմանագրի ստորագրման եւ մեկնարկի ժամկետները:
Այցի ընթացքում նախատեսվում է նաեւ այցելություն KfW բանկի ֆինանսական տեխնոլոգիաների լաբորատորիա՝ քննարկելու Հայաստանում նման լաբորատորիայի ստեղծման հնարավորությունները: