Հայերի ցեղասպանության թեման դեռ արդիական է. Ադամ Շիֆ
ԱՄՆ կոնգրեսական Ադամ Շիֆը մի քանի հայկական կազմակերպությունների ներկայացուցիչների հետ հանդիպել է Բըրբենք քաղաքի քաղաքապետարանում Հայոց ցեղասպանության հիշատակի արարողության շրջանակում:
Հայկական կազմակերպությունների թվում են եղել Բըրբենքի հայ երիտասարդների ֆեդերացիան, Ամերիկայի Հայ դատի հանձնախումբը, «Արազ» Հայ օգնության միությունը և այլն:
Քաղաքապետ Էմիլի Գեյբել-Լադդիի ու քաղաքային խորհրդի անդամների գլխավորությամբ անցկացվել է հիշատակման արարողությունը: Ներկա են եղել նաև սենատոր Էնթոնի Ջ. Պորտանտինոն, CA Assembly-ի անդամ Լաուրա Ֆրիդմանը և այլ հայտնի հյուրեր:
«Բարոյական հարց է իշխանությունների առաջ խոսել ճշմարտությունից, քանի որ ցեղասպանության ողբերգությունը անցյալ չէ, այլ ներկայի իրողություն: Մենք վստահեցնում ենք, որ նման դեպքեր այլևս երբեք չի կատարվի: Հայոց ցեղասպանության թեման դեռ արդիական է, չնայած 20-րդ դարի մյուս ցեղասպանությունների հետ այն դեռևս շատ երկրների կողմից չի ճանաչվել»,- ասել է Ադամ Շիֆը: