Տարրական հարգանք պահանջող մարդը իրավունք չունի ԱԺ դահլիճից դուրս գալիս դուռը շրխկացնի. Հ. Դանիելյանը՝ Մարուքյանին (տեսանյութ)
Իմ անունը ինձ համար շատ թանկ է եւ ի տարբերություն շատ շատերի, որոնք ելույթ են ունենում իրեն հետագծի, ուրիշների կենսագրության փոքր լինելու մասին, ես մի բան հստակ կարող եմ ասել, որ եթե ընտրություն կատարելու լինեմ հետագծի կամ իմ անունը պահելու մեջ, կընտրեմ իմ անունը, քանի որ այն շատ ավելի կարեւոր է, քան նման քաղաքական հետագիծը։ Այս մասին այսօր՝ ապրիլի 16-ին, լրագրողների հետ զրույցում ասաց «Իմ քայլը» խմբակցության պատգամավոր Համազասպ Դանիելյանը՝ խոսելով Էդմոն Մարուքյանի հրդորի մասին, երբ վերջինս ասում էր. «Մի հատ քաղաքական հետագիծ ունեցեք, մի հատ նայեք, տեսեք ով ինչ է ժամանակին ասել, նոր նման բաներ ասեք, Համազասպ»:
Դիտարկմանը, թե առանց Նիկոլ Փաշինյանի «Իմ քայլի» պատգամավորները մի քանի հարյուր ձայն էլ չեն հավաքի, Համազասպ Դանիելյանն արձագանքեց. «Սրանք պնդումներ են, որոնք կարելի է միայն հերքել ընտրությունների դեպքում, հաջորդ ընտրություններին կարող ենք տեսնել, թե ով որքան ձայն կհավաքի։
Պատգամավորը վստահ է՝ Մարուքյանը իր ասածի իմաստը նենգափոխել է. «Այս մարդկանց մարտավարությունը հստակ է՝ ես մի բան եմ ասում, իմ ասածի իմաստը նենգափոխվում է։ Իմ ասածի իմաստը կոնկրետ վերաբերվում էր զինվորների հետ կապված օրենքի նախագծին, որտեղ պրոֆեսիոնալիզմից էին խոսում տարրական հաշվարկ չարած մարդիկ։ Դրանից Հետո Մարուքյան Էդմոնը որոշեց, որ իրեն իրավուք պետք է վերապահի խառնվել այդ երկխոսությանը եւ ինչ–որ արտահայտություններ անի։ Ես ափսոսում եմ, որ խորհրդարանի նիստերի ժամանակը վատնվում է նման խոսակցությունների վրա։ Երբ նույն Էդմոն Մարուքյանը իրեն իրավունք է վերապահում հայտարարել, թե պարապուրդի է մատնվել խորհրդարանը, մեր հանձնաժողովի նախագահը Մանե Թանդիլյանն է, նախագիծ է բերել, նստել քննարկել ենք, ինչ պարապուրդի մասին է խոսքը»։
Համազասպ Դանիելյանը շեշտեց՝ տարրական հարգանք պահանջող մարդը իրավունք չունի Ազգային ժողովի դահլիճից դուրս գալուց դուռը շրխկացնի. «Մարդը հարգանքի մասին է խոսում, բայց ասում է՝ դու ո՞վ ես»։
Պատգամավորը շեշտեց՝ խոսում են օրենսդրական կարգավորումից, բայց բոլորս գիտենք, որ ռեսուրս չկա. «Տեսեք՝ խոսում են օրենսդրական կարգավորումից, բայց բոլորս գիտենք, որ ռեսուրս չկա: Բոլորս գիտենք, որ եթե հնարավոր լիներ այս նախագիծը կյանքի կոչել, ապա բոլորս կողմ կլինեինք։ Բայց մարդիկ բերում են նախագիծը, առիթն օգտագործում ու ասում, որ իրենք խոսում են զինվորի մայրերի հետ՝ ցանկանալով ներկայացնել, թե մենք խոչընդոտում ենք։ Պարզ գիտեն՝ խոչընդոտը մեր ցանկությունը չէ։ ԲՀԿ-ն ասում է՝ Նիկոլ Փաշինյանը գտել է լուծում՝ 10 տոկոս բարձրացնելու զինվորականների աշխատավարձը, բայց գիտենք չէ՞, որ սա զինծառայողների քանակի վրա չի ազդելու»։