Փաշինյանն աշխատանքից հեռացրել է մաքսայինի աշխատակիցների. նրան զայրացրել է դրոշի վիճակը (լուսանկար)
Այսօր վաղ առավոտյան վարչապետ Նիկոլ Փաշինյանն այցելել է ավտոմաքսատուն, որտեղ հիմա ծանոթանում է այնտեղի աշխատանքի պայմաններին։ Փաշինյանին այնտեղ դուր չեկավ սենյակներից մեկում դրված դրոշի վիճակը, ու նա ՊԵԿ նախագահին հրահանգեց ազատել այդ սենյակում աշխատող բոլոր աշխատակիցներին։
«Պետական եկամուտների կոմիտեում պարգևավճարները կրճատեք և այստեղ պատշաճ մաքրություն կատարեք: Այս մասին Նորագավիթի մաքսատանը շրջայց կատարելու ժամանակ ՊԵԿ նախագահին ասաց ՀՀ վարչապետ Նիկոլ Փաշինյանը: Նա տարածքի վիճակը որակեց խայտառակություն:
Բացի այդ, Նիկոլ Փաշինյանը մտավ մաքսատան աշխատասենյակներից մեկը և դուրս գալուց հետո հարցրեց, թե քանի մարդ է աշխատում այդ սենյակում:
«Երկո՞ւ-երե՞ք: Ովքեր այս սենյակում աշխատել են դրոշի պայմաններում ոչ ոք չաշխատի այդտեղ, բոլորը հեռացվեն աշխատանքից»,-ասաց Փաշինյանը:
«Ո՞նց կարող է մարդը դրոշը իրենից ցածր դնել, ամեն օր գնաս աշխատանքի, և դրոշը այնտեղ կեղտոտ գցած լինի՞, դա ընկալման հարց է, ո՞նց կարող է նման մարդը Հայաստանի Հանրապետությունում ուսադիրներ կրել։ Մի մարդ չմնա այդ սենյակում, անուն–ազգանունով կտաք»- ասաց Նիկոլ Փաշինյանը:
Մաքսատանը նրա շրջայցը շարունակվում է: