Էս ազգի լավ տղեքն ենք, էս ախոռում հավաքվածներին ասում ենք՝ բռնվեք, ազգն ա գալիս. 2-հոգանոց ակցիա ԱԺ-ի մոտ (տեսանյութ)
Այսօր՝ ապրիլի 6-ին, ԱԺ դարպասների մոտ երկու հոգի բողոքի ակցիա են իրականացրել անձրեւի տակ՝ ընդդեմ ԱԺ ամբիոնից տրանսգենդեր կնոջ ելույթ ունենալու:
Նրանք պաստառ ամրացրին ԱԺ ցանկապատին՝ «Բռնվեք, ազգն է գալիս»:
«Էս ազգի լավ տղեքն ենք ու պայքարելու ենք, որ մեր երկրում այլասերվածությունը չտարածվի: Մենք դուրս ենք եկել այլասերվածության դեմ, իսկ այլասերվածություն քարոզելը, մեր ազգային արժանապատվությունը ոտնահարելը, գենդերներին ԱԺ ամբիոնից ելույթ տալու իրավունք տալը անընդունելի է»,-ասաց նրանցից մեկը:
Նա դիմեց իրենց մոտեցած ոստիկաններին՝ նշելով. «Ձեր մեղավորությունն էլ է, որ թույլ եք տվել, որ գենդերները, այլասերվածներն ու պիդառաստները մտնեն Ազգային ժողով: Մեր ԱԱԾ-ն թերացել է, բարոյահոգեբանական տեռորիստական ակտ է տեղի ունեցել մեր ազգի դեմ: Իսկ էս Ազգային ժողովում, էս ախոռում հավաքվածներին նորից ենք ասում՝ բռնվեք, ազգն ա գալիս»:
Նրանք տեղեկացրին, որ ապրիլի 8-ին ժամը 16-ին ԱԺ տարածքում բողոքի ակցիա են կազմակերպում:
Հիշեցնենք, որ ապրիլի 5-ին, ԱԺ-ում մարդու իրավունքների թեմանով լսումների ժամանակ ԱԺ ամբիոնից ելույթ ունեցավ տրանսգենդեր: Լսումները վարող ԲՀԿ-ական պատգամավոր Նաիրա Զոհրաբյանը հունից դուրս եկավ եւ նրանց դուրս հրավիրեց: