Բաքու-Թբիլիսի-Կարս երկաթուղին զգալի ներդրում է կատարում Աֆղանստանում ՆԱՏՕ-ի առաքելության հաջողության գործում

ՆԱՏՕ-ի «Վճռական աջակցություն» առաքելության շրջանակներում
Հյուսիսատլանտյան դաշինքն օգտագործում է Բաքու-Թբիլիսի-Կարս երկաթգծի
միջանցքը՝ Աֆղանստան և հակառակ ուղղությամբ բեռնափոխադրումների համար, ինչը
նշանակալի ներդրում է Աֆղանստանում ՆԱՏՕ-ի «Վճռական աջակցություն»
առաքելության հաջողության գործում:

ՆԱՏՕ-ի գլխավոր քարտուղար Յենս Ստոլտոնբերգն այդ մասին հայտարարել է
դաշինքի 70-ամյակի կապակցությամբ ՆԱՏՕ-ի Արտաքին գործերի նախարարների
հանդիպման ժամանակ ունեցած ելույթում, որը տեղ է գտել Ադրբեջանի ԱԳՆ մամլո
ծառայության հաղորդագրության մեջ:

Իր խոսքում Ստլտենբերգը նշել է , որ Ադրբեջանը «ՆԱՏՕ-ի մտերիմ
գործընկերն է և սերտորեն համագործակցում է Դաշինքի հետ միջազգային
խաղաղության և անվտանգության հաստատման գործում»:
«Ադրբեջանը ռազմական ուժով  և մուլտիմոդալ տարանցմամբ կարևոր ներդրում է
անում «Վճռական աջակցություն» առաքելությունում»,- այդ մասին ասել է 
Ստոլտենբերգը:

Բաքու-Թբիլիսի-Կարս երկաթգիծը շահագործման  է հանձնվել 2017 թվականի հոկտեմբերի 30-ին:

Նախնական փուլում Բաքու-Թբիլիսի-Կարս երկաթգծի բեռնափոխադրումների
ծավալը նախատեսվում է տարեկան 5 մլն տոննա, հետագայում ենթադրվում է
բեռնափոխադրումների ծավալի ավելացում մինչև 15-17 մլն տոննա բեռ:
ԲԹԿ երկաթուղու շինարարության նախագծով նախատեսվում էր  98 կմ 
երկարությամբ Կարս-Ախալքալաք երկաթուղու շինարարությունը, որից 68 կմ
Թուրքիայում, 30 կմ Վրաստանում, ինչպես նաև՝   Վրաստանում
Ախալքալաքի-Թբիլիսիի 183 կիլոմետր հատվածի վերակառուցումը: Վրացական
հատվածի շինարարությունը ֆինանսավորել է Ադրբեջանը՝ այդ երկրին տրամադրելով
775 մլն դոլար ընդհանուր գումարով երկու արտոնյալ վարկ: