Իսպանիան մտահոգ է Կուբայում արտասահմանյան ընկերությունների դեմ ԱՄՆ-ի հնարավոր հայցերով

Իսպանիան մտահոգ է ԱՄՆ քաղաքացիների կողմից Կուբայում բիզնես իրականացնող արտասահմանյան ընկերություններին դատի տալու Վաշինգտոնի հնարավոր թույլտվությամբ։ Այս մասին Իսպանիայի ԱԳՆ ղեկավար Խոսեպ Բորելը հայտնել է ԱՄՆ վարչակազմին՝ հայտնում է Reuters-ը։

ԱՄՆ որոշումը վերաբերում է 1959 թ․ հեղափոխությունից հետո կուբայական կառավարության կողմից բռնագրավված ունեցվածքի օգտագործմանը։

Անցյալ ամիս ԱՄՆ նախագահ Դոնալդ Թրամփը թույլ էր տվել նման դատական
գործընթացները՝ ուժեղացնելով Կուբայի վրա ճնշումները։ Սակայն բռնագրավված
ունեցվածքը օգտագործող արտասահմանյան ընկերությունների դեմ դատական հայցերի
արգելքն ուժի մեջ կմնա մինչեւ ապրիլի 17-ը, քանի դեռ Վաշինգտոնը
վերանայում է այդ որոշումը։

Կուբայում ներդրումներ կատարած արտասահմանյան ընկերությունների թվում է նախկին իսպանական գաղութը, իսպանական Melia Hotels-ը։

Բորելը Վաշինգտոնում հանդիպել է ազգային անվտանգության հարցերով Սպիտակ
տան խորհրդական Ջոն Բոլթոնի եւ պետքարտուղար Մայք Պոմպեոյի հետ։

Այդ հանդիպումների ընթացքում նա իր մտահոգությունն է հայտնել հնարավոր
այդ գործողությունների հետեւանքով Իսպանիայի շահերի համար բացասական
հետեւանքների կապակցությամբ։

ԱՄՆ յուրաքանչյուր նախագահ վեցամսյա ժամկետով դադարեցրել է 1966 թ․
Հելմս-Բերթոնի օրենքի գործողությունը, որը թույլ է տալիս կուբացի
ամերիկացիների եւ ԱՄՆ մյուս քաղաքացիների կողմից նման դատական հայցերը։