Հայաստանի ներկայացուցիչներից 10-ամյա Ալեքսանդր Սանթրոսյանը 2-րդն էր կայծականային խաղի պատանիների մրցապայքարում, իսկ նրա եղբայրը` 12-ամյա Անդրե Սանթրոսյանը, 3-րդը (լուսանկար)

Հայաստանի Շաշկու ֆեդերացիան իր Facebook-ի էջից տեղեկացնում է, որ Շաշկու Հայաստանի հավաքականի անդամները Թբիլիսիում վստահ ելույթ են ունեցել Աշխարհի Գավաթի խաղարկության 1-ին փուլում:

«Մարտի 23-27-ը Թբիլիսիում տեղի ունեցավ ռուսական շաշկու(64 վանդկանոց) աշխարհի գավաթի խաղարկության 1-ին փուլը, կայծակնային և արագ շաշկու ժամանակակարգերով:

Մրցաշարին Հայաստանը ներկայացել էր 9 մասնակիցներով: Այս մրցաշարում բացի անհատական հաշվարկից առանձին հաշվարկ էր կատարվում նաև պատանիների, կանանց, վետերանների և մասնակից երկրների միջև:
Հայաստանի ներկայացուցիչներից 10-ամյա Ալեքսանդր Սանթրոսյանը 2-րդն էր կայծականային խաղի պատանիների մրցապայքարում, իսկ նրա եղբայրը` 12-ամյա Անդրե Սանթրոսյանը 3-րդը: Արագ շաշկու մրցմանն Ալեքսանդր Սանթրոսյանը կրկին զբաղեցրեց 2-րդ պատվավոր հորիզոնականը,իսկ, 3-րդը 10-ամյա Հակոբյան Տիգրանը:
Վետերանների հաշվարկում Գեղարքունիկի մարզի ներկայացուցիչ , տարեցների Հայաստանի չեմպիոն 68-ամյա Արարատ Ասատրյանը կայծակնային խաղում զբաղեցրեց 3-րդ, իսկ արագ շաշկիում՝ 2-րդ հորիզոնականը:

Հայաստանի հավաքականը ընդհանուր թիմային հաշվարկով գրավեց 3-րդ պատվավոր հորիզոնականը, որն աննախադեպ է շաշկու Հայաստանի ողջ պատմության ընթացքում: Թիմի կազմում առավել վստահն ու հաջողված հանդես եկավ Հայաստանի բազմակի չեմպիոն, IDF վարպետ Նշան Ալավերդյանը՝ կայծակնայինում վաստակեց՝ 11 միավոր, իսկ արագում՝ 9 միավոր: Կածակնայինում արդյունավետությամբ 2-րդը Աղասի Տերտերյանն էր 9 միավորով, 8-ական միավոր հավաքել էին Սանթրոսյան Ալեքսանդրը, և Ասատրյան Արարատը և Երեմյան Հայկը (Տավուշի մարզ):

Իսկ արագում արդյունավետությամբ 2-րդը Արարատ Ասատրյանն էր՝ 7 միավոր , 6-ական միավոր էին վաստակել Տերտերյան Աղասին, Գագիկ Գրիգորյանը,Երեմյան Հայկը և Սանթրոսյան Ալեքսանդրը: Կայծակնայինում - Blitz անհատական հաշվարկում Նշան Ալավերդյանը գրավեց 6-րդ հորիզոնականը, Աղասի Տերտերյանը 16 –րդն էր, իսկ Ալեքսանդր Սանթրոսյանը՝ 18-րդը: Արագ-Rapid Նշան Ալավերդյանը՝ 7-րդն էր , Արարատ Ասատրյանը ՝17-ը, իսկ Աղասի Տերտերյանը ՝19-ը Նշենք նաև որ կայծակնային մրցակարգում 3+2 խաղում էին ռուսական շաշկու, իսկ արագում ՝5+3 բրազիլական շաշկու կանոններով:

 Նշենք նաև, որ կայծակնայինում Նշան Ալավերդյանը 9 տուրերում կրեց միայն մեկ պարտություն, այն էլ ժամանակով զիջեց մրցաշարի առաջին համար Անդրեյ Գնելիցկուն. . տարավ 3 հաղթանակ և գրանցեց 5 ոչ-ոքի: Ոչ-ոքիներց մեկը գրանցեց երիտասարդների աշխարհի գործող չեմպիոն Դմիտրի Մելնիկովի հետ մրցամարտում:Առաջին պարտիայում Նշանը հաղթել էր, իսկ 2-րդ պարտիայում նախ մեր մարզիկը բաց թողեց հաղթանակը 16-րդ քայլում, ապա ցեյտնոտում հավասար դիրքում ցավալիորեն սայթաքեց և 2-րդ պարտիան տանուլ տվեց:Այդպես աշխարհի չեմպիոնը միավոր կորզեց և հավասարեցրեց մրցմարտում հաշիվը՝1:1:

Իսկ արագ շաշկիում Նշան Ալավերդյանը անպարտելի էր՝ 2 հաղթանակ, 5 ոչ-ոքի: Տեղին է նշել, որ ստուգատեսին մասնակցում էին նաև Ալավերդյանի 6 սաները՝ Աղասի Տերտերյանը, Ալեքսանդր Սանթրոսյանը, Անդրե Սանթրոսյանը, Տիգրան Հակոբյանը, Նարեկ Միրզաբեկյանը, և Գագիկ Գրիգորյանը:

Աշխարհի գավաթի խաղարկության 1-ին փուլում մեր մարզիկների գլխավոր մարզիչն էր շաշկու Հայաստանի ֆեդերացիայի նախագահ Ալբերտ Պողոսյանն, ով մեծ օժանդակություն ցուցաբերեց մեր պատվիրակներին: Իսկ ամենակարևորը Թբիլիսում գտնված միջազգային ֆեդերացիայի` IDF նախագահ Վլադիմիր Լանգինի հետ վարած երկարատև բանակցություներից հետո պայմանարվածություն ձեռք բերվեց առաջիկայում Հայաստանում համապատասխան անհրաժեշտ պայմանների ապահովման դեպքում կազմակերպել պատանիների շաշկու Եվրոպայի առաջնությունը:

ՀՀ ֆեդերացիայի նախագահ Ալբերտ Պողոսյանը աշխարհի գավաթի խաղարկությունում մեր մարզիկների ելույթներից ընդհանուր առմամբ գոհ էր , և նրանց գրանցած արդյունքները գոհացուցիչ համարեց»: