Արտակարգ դեպք «Բելաջիո»-ում. քարեր ու հայհոյանքներ. Ոստիկանությունը որոնում է խուլիգանություն կատարողներին

Երեւանի Մյասնիկյան պողոտայում գործող «Բելաջիո» ռեստորանային համալիրում մարտի 27-ին խուլիգանություն է տեղի ունեցել. ժամը 15։00-ի սահմաններում Ոստիկանության կենտրոնական բաժին ահազանգ է ստացվել, որ նշված ռեստորանային համալիրի 2-րդ հարկում գտնվող ժամանցի սրահում մի քաղաքացի ցուցաբերում է ագրեսիվ պահվածք, տեւական ժամանակ հնչեցնում է սեռական բնույթի հայհոյանքներ մատուցողների եւ երաժիշտների հասցեին եւ խանգարում է մյուս հաճախորդների ժամանցը։

Shamshyan.com-ի հաղորդմամբ, երբ այդ քաղաքացուն իրենք դիտողություն են արել, որ նման պահվածք չցուցաբերի, նա ռեստորանի համալիրի հարեւանությամբ գտնվող բարձունքից քարեր եւ երկաթյա ձողեր է նետել շենքի ուղղությամբ, ինչի հետեւանքով կոտրվել են ապակիները։

Ոստիկանության ծառայողները պարզել են, որ այդ քաղաքացին Երեւան քաղաքի Ս․ Խանզադյան փողոցի բնակիչ 31-ամյա բնակիչ Սերյոժա Մ.-ն է։ Ոստիկանները ձեռնարկում են անհրաժեշտ միջոցառումներ նրան հայտնաբերելու, ինչպես նաեւ նրա հետ եղած անձանց ինքնությունը պարզելու եւ նրանց եւս հայտնաբերելու ուղղությամբ։

Աղբյուր ի տեղեկություններով՝ Սերյոժա Մ.-ն մինչեւ «Բելաջիո» ռեստորանային համալիրում «շոու» անելը, ժամեր առաջ էլ Կենտրոն վարչական տարածքում մեկ այլ քաղաքացու է ծեծի ենթարկել։