Պետբյուջեի եկամուտների գերկատարումը կառավարության և ՊԵԿ-ի արդյունավետ քաղաքականության արդյունքն է. Նազարյան

ԱԺ փոխնախագահ Լենա Նազարյանը գրառում է կատարել իր ֆեյսբուքյան էջում` անդրադառնալով ՀՀ վարչապետ Նիկոլ Փաշինյանի այսօրվա ելույթին:

«ՀՀ վարչապետ Նիկոլ Փաշինյանը ԱԺ-ում ամփոփում է վերջին 3 ամիսների ընթացքում Կառավարության գործունեությունը։ Վարչապետն ընդծեց, որ 2019թ. պետական բյուջեի եկամտային մասը գերակատարվելու է առնվազն 40 մլրդ դրամով, ինչը համարժեք է 90 մլն դոլարի: Սա վերջին 9 տարիների համեմատ աննախադեպ երևույթ է, քանի որ բավական երկար ժամանակ չի եղել, որ Պետական բյուջեի եկամուտների այսպիսի մեծ ծավալների գերակատարում:

ՀՀ պետական բյուջեի եկամուտների առնվազն 40 մլրդ դրամի չափով գերկատարումը ՀՀ կառավարության և ՊԵԿ-ի՝ ստվերի դեմ վարած արդյունավետ քաղաքականության, ինչպես նաև քաղաքացի-կառավարություն համագործակցության արդյունքն է։ Այս հավելյալ գումարները նախատեսվում են օգտագործել մի շարք ուղղություններով։

Նախատեսվում է.

✔ 2019թ. հուլիսի 1-ից 10%-ով բարձրացնել ՀՀ զինված ուժերի զինծառայողների աշխատավարձը։

✔ 2019թ․ սեպտեմբերի 1-ից 10%-ով բարձրացնել ՀՀ հանրակրթական դպրոցներում աշխատող ուսուցիչների աշխատավարձը․ մոտ 38 հազար ուսուցիչ։

✔ Իրականացնել մոտավորապես 303 կմ ավտոճանապարհների տարբեր տեսակի նորոգումներ։

✔ 10 մլրդ դրամ հատկացնել սուբվենցիոն ծրագրերին»,- ասված է Լենա Նազարյանի գրառման մեջ։