Մասշտաբներով նմանվում է հեղափոխությանը. Հայկ Սարգսյանը՝ շաբաթօրյակի մասին. (տեսանյութ)
«Այգի, պուրակ մաքրելու մասին մտածել եմ, պատգամավոր դառնալու մասին երբեք չէի մտածել»,- լրագրողների հետ զրույցում ասաց մարտի 23-ի համապետական շաբաթօրյակի մասնակից, ԱԺ «Իմ քայլը» խմբակցության անդամ Հայկ Սարգսյանը:
Նա անկեղծացավ՝ մեքենայով գալիս ճանապարհին տեսել է՝ ինչքան շատ են շաբաթօրյակի մասնակիցները, և տպավորություն է ստացել, որ մարդկանց մտածողության մեջ էլ է հեղափոխություն եղել:
«Ոգևորող էր, ոնց-որ հեղափոխության նման բան տեղի ունեցած լինի մարդկանց մտածելակերպի մեջ, որովհետև չեմ հիշում նման բան, որ նման մեծ թվով մարդիկ ներգրավված լինեն մաքրման աշխատանքների մեջ»,- ասաց նա:
Ճշտող հարցին՝ կարծում է՝ սա նման է հեղափոխությա՞ն, պատգամավորը պատասխանեց.
«Ինձ թվում ՝ մասշտաբներով նմանվում է»:
Սարգսյանը խոսեց նաև ապրիլի վերջին շաբաթը Քաղաքացու օր հռչակելու նախաձեռնության մասին: