Գազի պատճառով գրանցված դեպքերի թիվն աճել է
Այսօր, անդրադառնալով հանրապետությունում գազի պատճառով գրանցված դեպքերին, ԱԻՆ ՓԾ Ճգնաժամային կառավարման կենտրոնի տեղեկատվության ապահովման և վիճակագրության բաժնի ավագ հրահանգիչ, փ/ծ կապիտան Տաթև Ալիխանյանն ասել է, որ դեպքերի աճ կա:
«Դեպքերը հիմնականում Երևանում են գրանցվում, Գեղարքունիքի, Լոռու և Կոտայքի մարզերում: Հիմնականում գրանցվել են բնակելի շինություններում, դեպքերի 94.4 տոկոսը բաժին է ընկնում բնակելի շնություններին», – ասել է Ալիխանյանը:
Ըստ վիճակագրության՝ 2017 թվականին 429 դեպք է գրանցվել, 2018 թվականին` 374: Այս տարի արդեն գրանցվել է 129 դեպք: