Սիրված աստղերը կոչ են անում օգնել գյումրեցի 19-ամյա աղջկան. նա առողջական լուրջ խնդիր ունի
Այսօր Գյումրու երիտասարդական պալատում տեղի ունեցավ բարեգործական համերգ, որին նախորդել էր դրամահավաք հանուն Էմմա Աղաբեկյանի: Նշենք, որ 19-ամյա Էմման տառապում է սուր միելոբլաստային լեյկոզով, եւ շտապ վիրահատություն է անհրաժեշտ Գերմանիայում, սակայն ընտանիքն անհրաժեշտ գումարը չունի: Աղջկա մոտ հիվանդությունը հայտնաբերվել է այս տարվա մարտին, նա այս ընթացքում քիմիաթերապիայի 3 կուրս է անցել, սակայն հիվանդությունը կրկնվել է: Անհրաժեշտություն է առաջացել աղջկան արտերկրում վիրահատության ենթարկելու, սակայն ընտանիքը չի կարողանում նրան Գերմանիա տեղափոխել:
Բարեգործական համերգի կազմակերպիչ Մարիամ Գեւորգյանն իր խոսքում նշեց, որ Էմման Շիրակի պետական համալսարանում է սովորում: Արդեն մեկ ամիս է, ինչ աղջկա լուսանկարները տարածված են համացանցում, տարբեր երիտասարդական խմբեր, հայտնի ու սիրված դերասաններ, հասարակական կազմակերպությունների ներկայացուցիչներ այցելում են Էմմային ու որոշ չափով օգնություն տրամադրում: Սովորելով նույն բուհում, իրենց պարտքն են համարել փոքր ներդրում ունենալ Էմմայի առողջացման գործում ու համախմբել են բոլոր ուժերը՝ Գյումրիի երիտասարդ ստեղծագործողների հետ համերգ են կազմակերպել, իսկ մինչ այդ այցելել են տարբեր կազմակերպություններ ու կառույցներ, դրամահավաքի նպատակով:
Այն անձինք, ովքեր հնարավորություն չեն ունեցել մասնակցել բարեգործական համերգին, կարող են հանգանակություն անել Էմմայի քրոջ անունով բացված հաշվեհամարին:
Աղջկան օգնել ցանկացողները կարող են զանգահարել ՝ +37493855104, +37477188428 հեռախոսահամարներով՝ Հռիփսիմեին, կամ գումար ուղարկել հետեւյալ հաշվեհամարներին
Աղաբեկյան Հռիփսիմե Ավետիքի անունով VTB ԲԱՆԿՈՒՄ
16013052245300 դրամ
16013052245301 դոլար
16013052245302 Եվրո
16013052245303 ռուբլի