Ինչո՞ւ է Ռուսաստանը Հայաստանին ավելի մատչելի վարկ տրամադրել, քան մեզ. Ալեքսանդր Լուկաշենկո
Բելառուսի նախագահ Ալեքսանդր Լուկաշենկոն պատասխանել է ԶԼՄ-ներում հաճախ
հայտնվող հրապարակումներին այն մասին, որ Բելառուսը «ձրիակեր» է և Ռուսաստանի հաշվին է ապրում:
Լուկաշենկոյի խոսքով՝ Բելառուսը երբեք Ռուսաստանի հաշվին չի ապրել և «ձրիակեր» չի եղել, այլ հակառակը. Մոսկվայից վարկեր է ստացել առավել անբարենպաստ պայմաններով, քան այլ երկրներ:
«Ռուսաստանը Բելառուսին ատոմային էլեկտրակայանի շինարարության համար վարկ է հատկացրել 4,8 տոկոս տոկոսադրույքով, Վիետնամին՝ 3 տոկոսից ցածր, Հայաստանին նույնպես 3 տոկոսից ցածր: Ինչո՞ւ», - Լուկաշենկոյին մեջբերում է Белта գործակալությունը:
Լուկաշենկոն հավելել է, որ երբ երկրի ժողովուրդը կամ ինքը մեղադրանքներ է լսում «ձրիակերության» համար, այլևս ցանկություն չի ունենում «որևէ դաշնակցային կապեր ստեղծել»: