Հանձնաժողովից առաջ չեմ կարող գնահատական տալ` զինվորին առողջ վիճակում են տարել բանակ, թե ոչ. Արծրուն Հովհաննիսյանը՝ Մարտակերտի հոսպիտալում մահացած զինվորի մասին
Հանձնաժողովից առաջ չեմ կարող գնահատական տալ` զինվորին առողջ վիճակում են տարել բանակ, թե ոչ. այս մասին ասաց ՀՀ ՊՆ մամուլի խոսնակ Արծրուն Հովհաննիսյանը:
Հիշեցնենք, որ երեկ ժամը 18:00-ին, նախնական լյարդային անբավարարություն, սրտի կանգ ախտորոշմամբ ծայրահեղ ծանր վիճակում Մարտակերտի զինվորական հոսպիտալ է տեղափոխվել ՊԲ հյուսիս-արևելյան ուղղությամբ տեղակայված զորամասերից մեկի զինծառայող, 2000թ. ծնված Ֆրունզիկ Վալերիի Թամազյանը: Չնայած բժիշկների գործադրած ջանքերին՝ ժամը 20:30-ի սահմանում գրանցվել է զինծառայողի կենսաբանական մահը:
Ինչպե՞ս է պատահել, որ այս զինծառայողը զորակոչվել է բանակ: «Ես չեմ կարող հիմա ասել, թե ինչպես է պատահել, դրա համար հանձնաժողով կա, հանձնաժողովը կտա գնահատական, կորոշենք մենք ճիշտ էինք, թե սխալ»,- ասաց նա:
Հովհաննիսյանը հավելեց, որ կա նաև հարուցված քրեական գործ, հանգամանքները կպարզվեն: