Մովսեսի առաջին թռիչքը, Արմենի վարակիչ սերը. պատմում են զոհված օդաչուների ընկերները (տեսանյութ)
Փոխգնդապետ Արմեն Բաբայան
Ռազմական օդաչու Վյաչեսլավ Ոսկովսկին դեկտեմբերի 4–ի առավոտյան, ժամը 10։00–ին ՄԻ–24 ուղղաթիռով Երևանից հերթական ուսումնական թռիչքն էր իրականացնում։ Նույն ժամին Շիրակի օդանավակայանից ՍՈՒ-25 մարտական ինքնաթիռով օդ էր բարձրացել նաև Վյաչեսլավի ընկերը՝ առաջին կարգի օդաչու Արմեն Բաբայանը։ Րոպեներ անց հենց օդում Վյաչեսլավն իմացավ, որ կորել է կապը ՍՈՒ-25–ի հետ։ Փոխգնդապետ Ոսկովսկին հրաման ստացավ՝ ուղևորվել Մարալիկ, որտեղ անհետացել էր գրոհիչ ինքնաթիռը։ Որոնումները շարունակվեցին չորս ժամ, ընկերոջը ողջ գտնելու հույսը վերջնականապես մարեց, երբ Քարաբերդի սև վարելահողերում գտան կործանված ինքնաթիռի առաջին բեկորներն ու ընկերոջ մոխրացած իրերը։
Մայոր Մովսես Մանուկյան
ՍՈՒ 25 գրոհիչ ինքնաթիռի կործանման հետեւանքով զոհված մայոր, 31-ամյա Մովսես Մանուկյանն էլ էր օդաչուների գերդաստանից։ Նրա ծնողները, հորական պապը, հորեղբայրը, հորեղբոր որդին՝ բոլորը օդաչուներ են:
Մանրամասն՝ տեսանյութում: