Ռոնալդուն հերթական պատմական ցուցանիշն է գրանցել Իտալիայում
Թուրինի «Յուվենտուսի» աստղային հարձակվող Կրիշտիանու Ռոնալդուն Ա Սերիայի 14-րդ տուրի «Ֆիորենտինայի» դեմ խաղում խփած գոլի շնորհիվ հերթական նվաճումն է գրանցել իտալական ֆուտբոլում։
11 մետրանոց հարվածից խփած գնդակը դարձավ 10-րդը Կրիշտիանուի համար 14 խաղերում։ Վերջին անգամ Ա Սերիայի նորեկին նման արդյունք հաջողվել էր գրանցել 61 տարի առաջ՝ 1957/58 մրցաշրջանում Ջոն Չարլզին, որը նույնպես հանդես էր գալիս «Յուվենտուսի» կազմում։