Փաշինյանը կարևորում է իրենց հրապարակած էլեկտրոնային հասցեին ուղարկվող CV-ներն ու կադրային բանկի ստեղծումը
Վարչապետի պաշտոնակատար Նիկոլ Փաշինյանը կարևորում է իրենց հրապարակած էլեկտրոնային հասցեին ուղարկվող CV-ներն ու կադրային բանկի ստեղծումը: Նոյեմբերի 20-ին լրագրողների հետ հանդիպմանը նա նշեց, որ այդպիսի պլատֆորմներ ստեղծելու ուղղությամբ աշխատանքներ են տարվում, ապա կրկին խնդրեց ներողամիտ լինել, քանի որ մեծ ծավալի ինֆորմացիա է գալիս, որը կարճ ժամանակում գուցե հնարավորություն չլինի մշակել, սակայն տեղեկությունները կմնան:
Փաշինյանը վստահեցրեց`այս աշխատանքը չի կանգնի երբեք, կշարունակվի անընդհատ, մինչև իրենք բոլոր հնարավոր դիմումները քննարկեն:
«Դա կարող է երկար տևել, որովհետև տեղեկատվության մշակումը ժամանակատար է, բայց եթե պոտենցիալ որևէ մեկի նկատմամբ կամա թե ակամա տեղի ունենա անարդարություն, բայց եթե տեղի ունենա, մարդկային գործոնով պայմանավորված, համոզված եմ, որ այդ մարդիկ հընթացս կկարողանան ապացուցել և իրենց արժանի տեղը գտնել մեր երկրի կառավարման համակարգում, պետք է ուղղակի հետևողական լինել»,- ասաց նա