Որո՞նք են պետական իշխանության մարմինների սպասարկման գրասենյակների գործառույթներ իրականացնող օպերատորները
Քաղաքացիներն այսուհետ պետական իշխանության մարմինների կողմից մատուցվող ծառայությունները կարող են ստանալ նաև «Յունիբանկ» ԲԲ ընկերության 35 գրասենյակների միջոցով: Այս մասին Facebook-ի իր էջում գրել է Արդարադատության նախարար Արտակ Զեյնալյանը:
Այսպիսով, պետական իշխանության մարմինների սպասարկման գրասենյակների գործառույթներ իրականացնող օպերատորների թիվը 9-ից դարձավ 10-ը, որի արդյունքում շուրջ 67 ծառայություններն առաջիկայում կմատուցվեն ավելի քան 130 գրասենյակներում՝ Հայաստանի ողջ տարածքում:
Օպերատորների կողմից մատուցվող ծառայությունները վերաբերում են իրավաբանական անձանց պետական գրանցման, քաղաքացիական կացության ակտերի գրանցման, անշարժ գույքի պետական միասնական կադաստրի, ինչպես նաև Արտաքին գործերի նախարարության, Միգրացիոն ծառայության, Ոստիկանության ոլորտներին:
Կարևորելով այս ինստիտուտի դերն ու նշանակությունը պետական իշխանության մարմինների կողմից մատուցվող ծառայությունները քաղաքացիներին և իրավաբանական անձանց առավելագույնս մատչելի և հասանելի դարձնելու տեսակետից՝ շարունակական ընդլայնելու ենք օպերատորների ցանկը:
Այսպիսով, պետական իշխանության մարմինների սպասարկման գրասենյակների գործառույթներ իրականացնող օպերատորներն են՝ «Հայփոստ», «Արդշինբանկ», «Ամերիաբանկ», «Կոնվերս բանկ», «Անելիք բանկ», «Մոբի Դրամ» փակ բաժնետիրական, «Հայէկոնոմբանկ», «Արարատբանկ» ու «Յունիբանկ» բաց բաժնետիրական ընկերությունները, ինչպես նաև ՀՀ կառավարությանն առընթեր անշարժ գույքի կադաստրի պետական կոմիտեն: