на Русском
Հրդեհ՝ Երևանի Ֆանարջյան փողոցում
Մայիսի 1-ից տեսանկարահանող կամ լուսանկարահանո... 
Ընտրողների անձնական տվյալների հրապարակման ահազանգեր են ստացվել
Անձնական տվյալների պաշտպանության գործակալությունը հայտարարություն է տարածել Երևանի ավագանու ընտրությունների ընթացքում ընտրողների անձնական տվյալների հրապարակումների վերաբերյալ: Հայտարարությունը՝ ստորև:
«Այսօր` 2018 թվականի սեպտեմբերի 23-ին ՀՀ ԱՆ Անձնական տվյալների պաշտպանության գործակալությունը մի քանի ահազանգ է ստացել Երևանի ավագանու ընտրությունների ժամանակ տարբեր կուսակցությունների և անհատների կողմից ընտրությունների ընթացքի կամ ենթադրյալ իրավախախտումների վերաբերյալ հայտարարություններում անձնական տվյալների ոչ իրավաչափ հրապարակումների մասին։
Հաշվի առնելով այն հանգամանքը, որ ըստ Գործակալությանը ներկայացված նյութերի` ընտրությունների ընթացքի մասին գնահատականներում, վերլուծություններում կամ պատկան մարմիններին ուղղված ահազանգերում հրապարակվում են ընտրողների վերաբերյալ տարաբնույթ անձնական տեղեկություններ, այդ թվում ՝ անձնագրային տվյալներ,
Գործակալությունը կոչ է անում ընտրությունների վերահսկման գործընթացում ներգրավված տարբեր անձանց ու կուսակցություններին այսօր և հետընտրական գործընթացներում յուրաքանչյուր վերլուծություն, ահազանգ կամ գնահատական հնչեցնելիս, սոցիալական ցանցերում հրապարակելիս զերծ մնալ այնպիսի անձնական տվյալների հրապարակումից, որոնք կհանգեցնեն անձնական տվյալների պաշտպանության մասին օրենքով սահմանված համաչափության ու օրինականության սկզբունքի խախտումների։
Գործակալության նշված դիրքորոշումը որևէ կերպ չի կարող մեկնաբանվել որպես իրավախախտում կատարած անձանց վերաբերյալ ահազանգ ներկայացնելու իրավունքի և միաժամանակ պարտականության սահմանափակում։ Գործակալությունը միայն խնդրում է զերծ մնալ այնպիսի անձնական տվյալներ հրապարակելուց, որոնք անհրաժեշտ պիտանի ու չափավոր չեն սահմանված նպատակին հասնելու համար՝ հետագայում մարդկանց անձնական կյանքին ու անձնական տվյալների պաշտպանության իրավունքին վնաս չհասցնելու համար»:
