Թե՛ իշխանությունը, թե՛ քաղաքացիական հասարակությունը պետք է դառնան պատասխանատու այն ամենի համար, ինչ տեղի է ունենում մեր երկրում. ՀՀ նախագահ

Նախագահ Արամ Սարգսյանը խորհրդանշական է համարում այն, որ խորհրդարանի հիմնադրման 100-ամյակի միջոցառումը լինում է ՀՀ անկախության օրվանից մեկ օր առաջ: Նա իր ելույթում նշեց, որ դարերի միջոցով հայը կարողացել է հավատարիմ մնալ իր ինքնությանն ու արժեքներին, իսկ պետություն ունենալու գաղափարն անթեղել է մեր մեջ և, ի վերջո, կարողացել ենք իրականացնել այդ երազանքը:

«Հայոց պետականություն, որ հռչակված է պատմական Հայաստանի այս տարածքում, բացարձակ արժեք է, բացարձակ արժեք է ոչ միայն ՀՀ քաղաքացիների, այլև աշխարհի բոլոր հայերի համար: Մեզնից յուրաքանչյուրի մեջ հայի ինքնության գիտակցման հետ նաև պետականության գիտակցման մասնիկը կա: Պատմության տարբեր փուլերում պետականության գաղափարը մեր հոգում ու մտքում է եղել ու եղել առանց ընդհատվելու»,- ասաց նա:

Նախագահը նշեց, որ այս տարվա գարնանային իրադարձությունները ցույց տվեցին, թե որքան ազդեցիկ կարող է լինել փոփոխությունների հասարակական պահանջը:

Նա կարծում է, որ ԱԺ-ն կարևոր դերակատարություն ու առաքելություն ունի: Նրա խոսքով՝ ՀՀ-ում գարնանային իրադարձությունները ցույց տվեցին, թե որքան ազդեցիկ կարող է լինել փոփոխությունների հասարակական պահանջը:

«Թե՛ իշխանությունը, թե՛ քաղաքացիական հասարակությունը պետք է դառնան պատասխանատու այն ամենի համար, ինչ տեղի է ունենում մեր երկրում: Պատասխանատվության գիտակցումը իմաստության վկայությունն է: Հայոց պետականությունը, որ հռչակված է պատմական Հայաստանի այս տարածքում, բացարձակ արժեք է ոչ միայն ՀՀ բոլոր քաղաքացիների, այլև աշխարհի բոլոր հայերի համար: Ժամանակը փորձության է ենթարկում և՛ ժողովրդին, և՛ պետությանը, և՛ արժեհամակարգը, որի ճգնաժամը կարող է հանգեցնել նաև պետականության ճգնաժամին»,- ընդգծեց Արմեն Սարգսյանը:

Արմեն Սարգսյանը շեշտեց՝ Հայաստանը աշխարհի բոլոր հայերի հայրենիքն է՝ Երևանից Ստեփանակերտ, Մոսկվայից Բեյրութ, Կալկաթայից Բուենոս Այրես: Նա հիշեց, որ ՀՀ 100 տարի առաջ՝ 20-րդ դարի սկզբին, պատմական դեր էր վիճակված Հայաստանի առաջին խորհրդարանին, որը ձևավորվեց ոչ թե ընտրությունների, այլ քաղաքական պայմանավորվածությունների միջոցով:

«Կարևոր առաքելություն էր վիճակված ՀՀ Գերագույն Խորհրդին, որը հաջորդեց խորհրդային Գերագույն խորհրդին: 21-րդ դարում Հայաստանի երրորդ հանրապետության օրոք մենք վերստին ընտրել ենք խորհրդարանական կառավարման ուղին»,- եզրափակեց Արմեն Սարգսյանը: