Ռոբերտ Քոչարյանն այսօր զբաղված է միայն մեկ բանով՝ ինքն իրեն փրկելով. ՀԱԿ փոխնախագահ
ՀԱԿ փոխնախագահ Լևոն Զուրաբյանը Azatutyun.am-ի հետ զրույցում՝ անդրադառնալով Ոոբերտ Քոչարյանի գործին, ասաց.
«Ակնհայտ է, որ առաջին ատյանի դատարանի որոշումը լրիվ օրինական էր, և անձեռնմխելիության հետ կապված որևէ խնդիր չկար»:
Նա նաև նշեց, որ բանակի ներգրավման հետ կապված լիազորություն Ռոբերտ Քոչարյանը չի ունեցել: Նա հույս հայտնեց, որ Վճռաբեկ դատարանն ապօրինի կհամարի Վերաքննիչ դատարանի որոշումը և կբեկանի:
«Ռոբերտ Քոչարյանն այսօր զբաղված է միայն մեկ բանով՝ ինքն իրեն փրկելով, և դրա համար պատրաստ է կոնսոլիդացնել բոլոր այն հակահեղափոխական ուժերին, որոնք հիմա ռևանշի են ձգտում, որովհետև հասկանում են, որ եթե այն փոփոխությունները, որոնք կատարվում են Հայաստանում, հասնեն տրամաբանական ավարտին, այլևս Հայաստանում հնարավոր չի լինի ո՛չ գողանալ, ո՛չ կոռուպցիայով զբաղվել:
Իրենք այդ ամենը հասկանում են, ունեն ընդհանուր շահ, և Քոչարյանի ֆիգուրը դարձել է մոբիլիզացնող գործիք, որ հիմա բոլորն այդտեղ շանս են նորից գրոհել հեղափոխության դիրքերից»,- ասաց Լևոն Զուրաբյանը: