на Русском
ԵՊՀ մի խումբ դասախոսներ այցելել են ՊՆ զորամաս... 
Վնասներ Երևանում՝ քամու հետևանքով
«Այդ որոշումը անակնկալ էր մեզ համար». Մարուքյանը Թանդիլյանի հրաժարականի մասին
«Մանե Թանդիլյանի որոշումը կուսակցության դիրքրոշումը չի եղել, դա եղել է տիկին Թանդիլյանի անձնական որոշումը` պայմանավորված որոշակի հանգամանքներով, որի վերաբերյալ նա երեկ արտահայտվել է»,-խորհրդարանում լրագրողների հետ զրույցում հայտարարեց ԵԼՔ խմբակցության պատգամավոր, «Լուսավոր Հայաստան» կուսակցության նախագահ Էդմոն Մարուքյանն` անդրադառնալով Մանե Թանդիլյանի Սոցապ նախարարի պաշտոնից հրաժարվելու մասին:
«Այդ որոշումը անակնկալ էր մեզ համար, միևնույն ժամանակ ես մեծ հարգանքով եմ վերբերվում Թանդիլյանի որոշմանը: Մանեն առաջին հերթին իմ ընկերն է, իմ քաղաքական զինակաիցն է, նա կայացրել է անձնական որոշում: «Դեմ եմ շարժման» առաջնորդներից է եղել նա, և բնականաբար, պարտադիր կուտակային համակարգը և դրա նեդրեման հետ կապված խնդիրները նրա համար կարևոր նշանակություն ունեն, նշված իրավիճկաից ելնելով` նա այդ քայլին է գնացել»,- ասաց նա:
Մարուքյանը շեշտեց, որ վարչապետը դեռևս չի ընդունել տիկին Թանդիլյանի հրաժարականի դիմումը, երբ կընդունի իրենք կանդրադառնան հարցին` արդյոք այլ մարդ ԼՀ-ն կներկայացնի այդ պաշտոնի համար:
«Այս պահին այլ մարդու հարց չենք քննարկում, որովհետև նրա դիմումը դեռևս ընդունված չէ»,- հայտարարեց նա:
Ինչ վերաբերում է Թանդիլյանի` կուսակցությունից դուրս գալու որոշմանը, Մարուքյանն ընդգծեց, որ կուսակցությունից դուրս գալու հարցը նույն անձնական դաշտում է:
«Որքանով որ մեկնաբանել է տիկին Թանդիլյանը, դա պայմանավորված է նրանով, որ չխոչոընդոտի կառավարությանն աջակցելու կուսակցության գործունեությանը: Չնայած` ես ձեզ պետք է ասեմ, որ նման խնդիր չկա, Թանդիլյանը կարող էր հրաժարական ներկայացնել, դուրս գալ կառավարության կազմից, բայց կուսակցությունը շարունակեր իր դիրքորոշումը պահպանել»,- ասաց նա:
Հարցին էլ` Թանդիլյանն արդեն իսկ կուսակցությունից դո՞ւրս է եկել, Մարուքյանն ասաց, որ հայտարարություն է արել, բայց կուսակցությունը դիմում չի ստացել:
«Նա սովորական անդամ չէ կուսակցության փոխնախագահն է, մեզ համար դա շատ ցավոտ որոշում է, բայց մենք հարգում ենք նրա որոշումը»,- ասաց նա, ապա հավելեց, որ կուսակցութւունը տեղեկացված չի եղել Թանդիլյանի որոշման մասին:
Նա միևնույն ժամանակ նշեց, որ իրենք չէին ուզենա, որ Թանդիլյանը հրաժարական տար և դուրս գար կուսակցույթյունից, բայց ըստ պատգամավորի, որևէ մեկի որոշման վրա չի կարելի բռնանալ:
