Հետաքրքիր փաստեր հեծանիվների մասին. այսօր հեծանիվի համաշխարհային օրն է

2018 թվականի հունիսի 3-ին առաջին անգամ նշվում է Հեծանիվի համաշխարհային օրը (World Bicycle Day), որը հռչակվել է ՄԱԿ-ի Գլխավոր ասամբլեայի կողմից 2018 թվականի ապրիլին (բանաձև 72/272): Փաստաթղթի համահեղինակները 56 երկրներ են: Քանի որ հեծանիվը էկոլոգիապես ամենամաքուր տրանսպորտի ձև է, դրա օգտագործումը նպաստում է շրջակա միջավայրի հանդեպ հոգատար վերաբերմունքին, առողջության պահպանմանը և սպորտի զարգացմանը: Եվ այս ամենը համահունչ է ՄԱԿ-ի կողմից 2015 թվականին ընդունված կայուն զարգացման ոլորտի նպատակներին:

Ընդ որում ՄԱԿ-ը կոչ է անում անդամ պետություններին հեծանիվին ուշադրություն դարձնել ոչ միայն որպես ֆիզիկական և հոգեկան առողջության, բարեկեցության բարելավման միջոցի, այլև հասարակության մեջ հեծանիվ վարելու մշակույթ ձևավորել:

Հետաքրքիր փաստեր հեծանիվների մասին

1. Հեծանիվը, ինչին մենք ծանոթ ենք այսօր՝ երկակնանի և ավանդական չափսերով, ի հայտ է եկել 1900 թ.

2. Նիդերլանդներում բնակչության 99% հեծանիվ ունի, իսկ ԱՄՆ-ում ընդամենը 32%:

3. Օդով լցված անվադողերը հեծանիվի վրա ավելի շուտ է օգտագործվել, քան մոտոցիկլի վրա:

4. Հեծանիվով արագության համաշխարհային ռեկորդը պատկանում է 50-ամյա դանիացի Ֆրենկ Ռոմպելբերգին և կազմում է այն՝ 268.831կմ/ժ:

5. Հեծանիվ քշելու ընթացքում այրվում է ժամում 600 կիլոկալորիա:

6. Մեկ ավտոմեքենայի կայանատեղում տեղավորվում է 20 հեծանիվ:

7. Առաջին շուրջորյա ճանապարհորդությունը հեծանիվով իրականացրել է անգլիացի Թոմաս Սթիվենը։ Այն սկսվել է 1884 թվականից և ավարտվել 1887 թվականին։

8. Ամբողջ աշխարհում հեծանիվների թիվը հասնում է ավելի քան մեկ բիլիոնի, այն դեպքում երբ մեքենաները երկու անգամ ավելի քիչ են