Գնացքը հղիների համար հանգստի մեկնելու ամենահարմար միջոցն է

Այսօր  Լուսինե Պողոսյանը և հոգեբան Անուշ Ալեքսանյանը լրագրողների հետ հանդիպման ժամանակ խոսեցին հղիների հանգստի, ինչպես նաև հղի կանանց հոգեբանական վիճակի մասին: Լուսինե Պողոսյանի խոսքով' հղիներին չի արգելվում մեկնել հանգստի, սակայն նրանք պետք է լինեն հսկողության տակ:

Նրա խոսքով' հանգստի պետք է մեկնել հղիության սկզբնական փուլում, մեկնել տաք ամիսներին, վերցնել բժշկական բոլոր փաստաթղթերը, որպեսզի անհրաժեշտության դեպքում հնարավոր լինի դիմել բժշկի:

Լուսինե Պողոսյանի խոսքով' հղիների համար ամենահարմար տրանսպորտային միջոցը համարվում է գնացքը: Ինքնաթիռը ևս արգելված չէ, սակայն եթե չկան հակացուցումներ:Նա նշեց, որ պետք է խուսափել արևի ուղիղ ճառագայթներից, իսկ լողափին անցկացնել առավոտյան 7-8 ընկած ժամանակահատվածում:

Հանդիպման մյուս բանախոս հոգեբան Անուշ Ալեքսանյանի խոսքով' հղիները պետք է ազատվեն հղիությանը որպես հիվանդության վերաբերվելուց և պետք է շարունակեն բնականոն և ակտիվ կյանքով ապրել:
Հոգեբանի խոսքով' հղի կանանց համար սթրեսային է շրջապատի վերաբերմունքն ու բոլոր փոփոխությունները: Կանայք հղիության ընթացքում դառնում են ավելի նյարդային և զգայուն: Հղի կանայք ըստ մասնագետի' կարող են նյարդայնանալ աննշան խնդրից: Որքան շատ են ապրումները հղիության ընթացքում' այնքան ավելի հուզականորեն զարգացած է լինում երեխան:

Անդրադառնալով հղիության ընթացքում կանանց արտաքին տեսքին' հոգեբանը նշեց, որ
ոմանց դուր է գալիս հղիության ընթացքում իրենց արտաքին տեսքը, ոմանք նույնիսկ ընդգծում են դա: Իսկ արտաքին տեսքի հետ կապված բարդույթներ առաջանում են հետծննդաբերության շրջանում: