Պետք է այնպիսի օրենք ընդունել, որը թույլ չի տա ծնողին իմանալ երեխայի սեռը. գինեկոլոգ
Պետք է այնպիսի օրենք ընդունել, որը թույլ չի տա ծնողին իմանալ երեխայի սեռը: Այսօր լրագրողների հետ հանդիպման ժամանակ նման կարծիք հայտնեց մանկաբարձ -գինեկոլոգ Մերի Թադևոսյանը:
Նա հայտնեց, որ երեխայի սեռի պատճառով անցանկալի հղիությունն ընդհատելն ազդում է ծնելիության վրա:
Նա կոչ արեց հղիներին անցանկալի հղիությունից ազատվելու ցանկության դեպքում անպայման դիմել բժիշկների օգնությանը:
«Վերջերս դեղատներում վաճառվում են հղիության ընդհատման մատչելի հաբեր, որի օգտագործման հետևանքով կանանց մոտ արյունահոսության է սկսվում:
Նա գտնում է, որ նույնիսկ անվճար ծննդօգնությունը չի կարող նպաստել ծնելիության աճին:
Ասուլիսին ներկա մյուս բանախոս Գարիկ Հայրապետյանի ( ՄԱԿ-ի Բնակչության հիմնադրամ գործադիր ներկայացուցչի տեղակալ) խոսքով էլ հղիության ընդհատումը ողջ աշխարհում նպաստում է մայրական մահացությունների աճին:
«Հայաստանում հղիության ընդատումը մայրական մահացությունների վրա չի անդրադառնում, նույնիսկ վերջին երեք տարվա ընթացքում նվազել են մահացությունները»:
Նա գտնում է, որ եթե արգելվի հղիության ընդհատումը, ապա կաճի կոռուպցիան:
«Պետք է այնպես անել, որ ընտանիքը ցանկանա ունենալ այդ երեխային, իսկ եթե չի ցանկանում, ապա կինը պետք է նախօրոք պաշտպանվի ու բանը չհասնի հղիության ընդհատմանը:
Իսկ Ազգային վիճակագրական ծառայության մարդահամարի և ժողովրդավարության բաժնի պետ Կարինե Կույումջյանն էլ հայտնեց, որ 2010թ. ծնելիության աճ է արձանագրվել, 2011-ից սկսած ' ծնելիության նվազում: