Ուսուցչուհին ծննդաբերել է մահից անմիջապես հետո
32-ամյա Էրիկա Միգրելին, ով ապրում է Միսսուրի քաղաքում և նույն քաղաքի դպրոցներից մեկում՝ Elkins High School-ում, աշխատում է որպես ուսուցչուհի, դասի ժամանակ իրեն վատ է զգացել: Նա ամուսնացած է և ամուսինն էլ աշխատում է նույն դպրոցում: Էրիկան հղի էր. նրանց փոքրիը պետք է ծնվեր 3 շաբաթից: «Երբ մտա դասարան, կինս պառկած էր գետնին, բերանն ամբողջովին պատված էր փրփուրով, նա չէր կարողանում շնչել. խեղդվում էր, իսկ որոշ ժամանակ անց նա կորցրեց գիտակցությունը»:
Մինչև շտապօգնության գալը ամուսինը և նրանց կոլեգաները արհեստական շնչառություն և սրտի մերսում էին անում, ապա կնոջը շտապօգնության մեքենայով արագ տեղափոխել են հիվանդանոց: Բժիշկները ամեն ինչ անում էին, որ կնոջ սիրտը շարունակի բաբախել, սակայն երբ վերջինիս հասցրել են հիվանդանոց, նրա սրտի աշխատանքը կանգ է առել:
Երեխան ծնվել է կեսարյան հատման միջոցով այն ժամանակ, երբ մոր սիրտը կանգ է առել. փաստացի կինը ծննդաբերել է մահացած:
Բժիշկները հույս չեն էլ ունեցել, որ կկարողանան փրկել երեխայի կյանքը, բայց արի ու տես, երեխան ծնվել է բացարձակ առողջ, իսկ երեխայի ծնվելուց հետո բժիշկներին ու Էրիկայի ամուսնուն կյանքը մատուցել է ևս մեկ անակնկալ՝ կնոջ սիրտը սկսել է կրկին բաբախել: