на Русском
Մայիսի 1-ից տեսանկարահանող կամ լուսանկարահանո... 
Եթե ընդդիմությունից էլ մեկը քաղաքապետ ընտրվի, ոչինչ չի կարող փոխվել
Operativ.am-ի թղթակիցն ԱԺ-ից տեղեկացնում է, որ շարունակվում է հինգերորդ գումարման երրորդ նստաշրջանի հերթական քառօրյան:
Նախորդ նիստն ավարտվել էր, երբ քննարկվում էր ՀՀ գույքահարկի մասին օրենքում փոփոխություններ կատարելու նախագիծը, որի մասով ելույթ ունեցավ ՀԱԿ խմբակցության պատգամավոր, տնտեսագետ Հրանտ Բագրատյանը:
«Ես պիտի հորդորեմ ձեռնպահ մնալ այս օրենքն ընդունելուց, ես չեմ հասկանում այս օրենքի անհրաժեշտությունը, մենք ստեղծել ենք հինգ-վեց ապահովագրական ընկերություն ու այդ բիզնեսը տվել ենք մի քանի հոգու, ու հիմա փորձում ենք խղճալ նրանց. տեխնիկական զննումը հարկ վճարելու հետ ի՞նչ կապ ունի:
Խորհրդարանը նման փաստաթղթերով ծանրաբեռնելը ամոթ եմ համարում, գույքահարկը տեղական բյուջեների աղբյուրն է. տեղական ինքնակառավարում չկա այս պետության մեջ:
Եթե քաղաքապետը ժողովրդավար ձևով էլ ընտրվի, ոչինչ չի փոխվելու, սպասելու է, թե երբ է Ֆինանսների նախարարությունն իրեն փող տրամադրելու. ավելի կարևոր է տնտեսական անկախությունը, քան այս ֆիկտիվ ընտրությունները, եթե ընդդիմությունից էլ մեկը ընտրվի, ոչինչ չի կարող փոխվել: Այս օրենքն ընդունելու բացարձակ անհրաժեշտություն չկա»,- նշեց Բագրատյանը:
Ադրբեջանը շարունակում է քանդել... 
