Հայ երգչուհի Լեոնորան միջազգային մրցույթում արժանացել է «Գրան Պրի»-ի

Պյատիգորսկ քաղաքում տեղի ունեցած Միջազգային մրցույթում դասական երգչուհի Լեոնորան ներկայացնելով Հայաստանը՝ նվաճել է մրցույթի «Գրան Պրի»-ին: Մրցույթի և երգչուհու առաջիկա ծրագրերի մասին իմանալու նպատակով Operativ.am-ի թղթակիցը զրուցել է Լեոնորայի հետ:

-Որտեղի՞ց է եղել մրցույթին մասնակցելու առաջարկը: Ե՞րբ և որտե՞ղ է տեղի ունեցել մրցույթը: 

-Մրցույթին մասնակցելու առաջարկը ստացել եմ Կատարողական արվեստի ասոցիացիայի ղեկավար Արման Ղուկասյանի կողմից: Մրցույթը կայացել է հունվարի 15-18-ը՝ Պյատիգորսկ քաղաքում:

-Քանի՞ պետություն է մասնակցել մրցույթին:

-Մասնակից10 երկրներից մրցույթին ներկայացել է 65 ներկայացուցիչ:

-Ի՞նչ ծրագրեր ունեք առաջիկայում:

-Պատրաստվում ենք հաջորդ միջազգային մրցույթին, որը կկայանա մարտին՝ Իսպանիայում: Այժմ զբաղված ենք 2-րդ սկավառակի աշխատանքներով, միջազգային մրցույթներով, համերգներով:

-Լեոնորա, բավականին ակտիվ եք, համերգներ, մրցույթներ, սակայն Հայաստանում Ձեզ կարծես այնքան էլ չեն ճանաչում: Հայաստանում մենահամերգ նախատեսե՞լ եք:

-Ցավոք ոչ: Հայաստանում դասական համերգով հանդես գալը բավականին դժվար է՝ սկսած դահլիճի վարձակալությունից մինչև տոմսերի վաճառքը: Միայն հրավերի դեպքում կներկայանանք մենահամերգով: Դրսի մենահամերգները մեզ և հանդիսատեսին առավելագույնս գոհացնում են:

-Տեսահոլովակով հանդես գալու մտադրություն չունե՞ք:

-Առայժմ ոչ, մեր ծրագրերը բավականին շատ են: Հետագայում կմտածենք այդ ուղղությամբ:

-Տարին սկսել եք հաղթանակով: Ի՞նչ զգացողություններ ունեք այժմ, ինչպե՞ս եք տրամադրված հաջորդ մրցույթին:

Տարին սկսեցինք փայլուն հաղթանակով: Փայլուն մրցույթ էր՝ հագեցած դրական էմոցիաներով: Զգացողություններս հաճելի են, քանի որ կրկին վերադարձանք հաղթանակով՝ «Գրան Պրի»-ն նվաճած: Տրամադրված եմ կրկին հաղթանակելու ցանկությամբ:

Հիշեցնենք, որ անցյալ տարի Լեոնորան  միջազգային մրցույթներից կրկին «Գրան Պրի»-ներով է վերադարձել. 3 «Գրան Պրի» և 1 գլխավոր մրցանակ:

Operativ.am-ը շնորհավորում է երգչուհուն և մաղթում նոր հաղթանակներ: