Տարբեր բնագավառի ներկայացուցիչները՝ Հայաստանում մարդու իրավունքների պաշտպանության մասին
Մարդու իրավունքները սովորաբար ընկալվում են որպես անբաժան հիմնարար իրավունքներ, որոնք ի ծնե ունի յուրաքանչյուր մարդ՝ այն պարզ պատճառով, որ նա մարդ է։ Այս իրավունքները գործում են անկախ մարդու տարիքից, սեռից, ծագումից, ազգությունից, համոզմունքից և այլ կարգավիճակից կամ հատկանիշից։
Operativ.am-ի թղթակիցը հարցում է իրականացրել տարբեր բնագավառների ներկայացուցիչների հետ, որոնք նշել են, թե որ իրավունքներն են Հայաստանում ոտնահարված, և որոնք են դրական տեղաշարժ ունեցել: Հարցմանը մասնակցել են իրավաբաններ, մտավորականներ, քաղաքագետներ, լուսանկարիչներ, քահանա, տնտեսագետ, լրագրող և հաշմանդամություն ունեցող անձինք:
Տեր Արամ քահանա Միրզոյան.Մարդու բարեկեցիկ և ապահով ապրելու իրավունքն է ոտնահարվում:
Գարիկ Սահակյան-իրավաբան. Կարծում եմ ոտնահարվում է ազատ խոսքի, կարծիք արտահայտելու իրավունքը: Իսկ դրական տեղաշարժ նկատում եմ մարդու սեփանության իրավունքի պաշպանության մեջ:
Լևոն Մութաֆան-թատերագետ. Ոտնահարվում է մարդու՝ աշխատելու և բարեկեցիկ ապրելու իրավունքը:
Երազիկ Հակոբյան-Հանրային կապերի պատասխանատու. Ըստ իս, մեր երկրում ամենից շատ խախտվում են հենաշարժողական խնդիրներ ունեցող մարդկանց, կանանց, երեխաների իրավունքները: Գիտեմ, որ իրավական տեսանկյունից գրեթե անպաշտպան են բանտարկյալները, բայց միաժամանակ հենց այս նույն ոլորտներում են ամենից շատ դրական տեղաշարժեր լինում:
Էդուարդ Բագրատունի-տնտեսագետ, լուսանկարիչ. Արժանապատիվ ապրելու իրավունքը:
Ադա Մինասյան-Տնտեագետ, բանասեր.Տարբեր ոլորտներում բաց կա, բայց ես կառանձնացնեմ տնտեսական, սոցիալական ոլորտները, որտեղ մարդու իրավունքները զանգվածային ձևով են ոտնահարվում: Մասնավորապես աշխատանքային իրավունքների հետ կապված, դա շարունակում է մնալ վերին աստիճանի խոցելի: Տնտեսական իրավունքների առումով նույնպես խնդիրներ կան, տեսնում եմ, որ մրցակցության տեսանկյունից իրավիճակը լավը չէ: Իսկ դրական տեղաշարժ անկեղծ ասաց դեռ չեմ նկատում, բայց ցանկալի է, հույսով ապրենք:
Ստեփան Դանիելյան-«Համագործակցություն հանուն ժողովրդավարության» կենտրոնի նախագահ. Իմ կարծիքով՝ բոլոր իրավունքներն էլ խախտվում են: Դրական տեղաշարժ կա խոսքի իրավունքում, քանի որ ով ինչ ուզում խոսում է, դեռ:
Փայլակ Ֆահրադյան-լրագրող. ՀՀ-ում դրական տեղաշարժեր նկատել այս կամ այն ոլորտում և առանձնացնել կդժվարանամ, բայց ամենաշատը ոտնահարվում են դատարանններում:
Սամվել Մարտիորսյան-ՏՏ փորձագետ. Դրական տեղաշարժը հիմանակնում դիտվում է խոսքի ազատության ոլորտում՝ ինչին օժանդակում է Հայաստանում համացանցի ազատությունը և հասանելիությունը։
Արշակ Զաքարյան. բացի ազատ խոսքից, որ ես կասեի նույնիսկ չարաշահվում է հենց մարդու կողմից մնացած բոլորն էլ կարելի է ասել ինչ-որ տեղ ոտնահարվում են, որպես Մարդ ապրելու իրավունքը:
Հովիկ Իսրայելյան. Սոցիալական պաշտպանվածության հավասարության իրավունքը:
Դավիթ Մակարյան-տնտեսագետ. Ոտնահավում են մարդուն հասարակ հարգանքի ու երկրի քաղաքացի լինելու իրավունքները ու դրանից բխող շատ բաներ: Սակայն զարգանում է երկրի VIP քաղաքացի լինելու իրավունքը:
Էլիտա Հարությունյան-սցենարիստ. Կարծում եմ ոտնահարվում են բոլոր իրավունքները, հատկապես մտավորականների: Դրական տեղաշարժ չեմ նկատում:
Բարսեղյան Աննա. քաղաքագետ, վելուծաբան. Կարծում ամենից շատ ոտնահարվում են մարդու հեղինակային իրավունքները, իսկ մեծ առաջընթաց նկատում են ազատ խոսքի արտահայտման ոլորտում:
Մարիա Կոշեցյան-տուրիզմի մասնագետ. Մարդու բոլոր իրավունքներն էլ ոտնահարված են, մարդը ոչ մի օրենքով պաշտպանված չէ, ասում են կա խոսքի ազատություն, սակայն հասկանում ենք, որ խոսքի ազատություն էլ չկա, մի խոսքով՝ անարխիա է:
Գայանե Մելիքյան-քաղաքագետ. Առհասարակ մենք ապրում ենք մի երկրում, որտեղ կարելի է ասել մարդկանց իրավունքների խախտումն առավել կապված է մարդկանց ոչ տեղեկացված լինելու հետ: Մարդիկ գուցե գիտեն, թե ինչ իրավունքներ ունեն, սակայն չգիտեն դրանց օրինական լինելու չափը: Առհասարակ իրավունք ասվածը մեր հայաստանյան իրականության մեջ միախառնվում է ցանկությունների հետ, որոնք բնականաբար հանգեցնում են հակասական գործընթացների: Ամեն դեպքում հուսամ, որ կգա մի օր, երբ ՀՀ քաղաքացին իմանալով իր իրավունքներն ու դրանց սահմանները կարող է ինքնուրույն պաշտպանվել:
Լիլիթ Սահակյան-լեզվաբան. Ոտնահարվում է ազատ ընտրության իրավունքը, և ոչ միայն քաղաքական:Ինչքան էլ տարօրինակ է, ազատ խոսքի իրավունքը դրական տեղաշարժ ունի: Նաև դրական տեղաշարժ ունի, ազատ տեղաշարժվելու և բնակության վայր ընտրելու իրավունքը: Մարդիկ ոնց կարողանոմ արտագաղթում են: (հեգնում է)
Հ.Գ.Հարցման արդյունքում պարզ դարձավ, որ մեծամասնության կարծիքով դրական տեղաշարժ է նկատվում խոսքի ազատության մեջ, իսկ ոտնահարվում է հիմնականում ազատ ընտրության իրավունքը:
Կարինե Գևորգյան