Որտե՞ղ են հայերը նախընտրում դիմավորել Նոր տարին. վիճակագրությունն ըստ տուրիստական գործակալությունների

Շուտով Ամանոր է: Շատերի համար սկսվում են դաժան օրերը, իսկ  մի մասն էլ մտածում է Նոր տարին ավելի շքեղ  տոնելու մասին: Պարզելու համար թե, որտեղ են նախընտրում 2015 թվականը դիմավորել հայերը, Operativ.am-ի թղթակիցը կապ հաստատեց տուրիստական մի շարք գործակալությունների հետ, որոնք ներկայացրեցին հետևյալ պատկերը.

«Happy Tour»-ի տվյաների համաձայն՝ այս տարի հայերի մեծ մասը նախընտրում է Եգիպտոսը, որի ամանորա փաթեթի միջին արժեքը 750 $ է, որը նախատեսում է 7-օրյա հանգիստ, իսկ Անթալիայում հանգիստն արժե 400$, որը երկրորդ տեղն է զբաղեցում  որպես նախընտրելի վայր:

«ԳՈԼԴ ԹՐԵՎԼ»-ի համաձայն՝  առաջնային տեղ է զբաղեցնում Եգիպտոսը, Դուբայը և Եվրոպական երկրները: Եգիպտոսի համար միջին փաթեթի արժեքն է 1000 $, որը նախատեսում է 7-օրյա հանգիստ:

«ՌԻՄԱ ԹՐԵՎԼ»-ի համաձայն՝ կրկին առաջին հորիզոնականում Եգիպտոսն է: 6-օրյա հանգստի արժողությունը 1900 $ է, իսկ երկրորդ տեղում՝   Դուբայն է: Անցյալ տարվա համեմատ, նրանց մոտ փաթեթների  արժեքն ավելացել է 100-200 դոլարով:

«ԱՅՏՈՒՐ ԹՐԵՎԼ»-ի համաձայն՝  նախընտրությունը կրկին տրվում է Եգիպտոսին, որտեղ 7-օրյա հանգիստը կազմում է 900 $: Երկրորդ հորիզոնականում կրկին Դուբայն է:

«ԵՎՐՈՏՈՒՐ»-ը ևս նշեց, որ նախընտրությունը տրվում է  Եգիպտոսին և Դուբային:

Ի տարբերություն մյուս տուրիստական գործակալությունների՝   «Dubai travel»-ի մոտ պատկերն այլ է: Առաջին հորիզոնականում  Դուբայն է՝ 700 $: 

Տուրիստական բոլոր գործակալություններն էլ փաստեցին, որ այս տարի նվազել  է Ամանորն արտերկրում  անցկացնողների թիվը:

Հ.Գ. Ինչպես տեսնում ենք հայերը նախընտրում են իրենց ամանորյա հանգիստ անցկացնել արտերկրում և հատկապես Եգիպտոսում:  Պատճառները, բնականաբար, տարբեր են, քանի որ փորձը ցույց է տալիս, որ ՀՀ տարածքում հանգիստն ավելի թանկ հաճույք է, քան ՀՀ-ից դուրս:

Կարինե Գևորգյան