Կարուզոյի սիրային նամակները կվաճառվեն Լոնդոնում կայանալիք աճուրդում

Agence France-Presse լրատվական գործակալության փոխանցմամբ՝ իտալացի աշխարհահռչակ տենոր Էնրիկո Կարուզոյի սիրային նամակները նոյեմբերի 19-ին Լոնդոնում աճուրդի կհանվեն: Գրում է Gazeta.ru-ն: 

Ընդհանուր առմամբ կներկայացվի 700 նամակ և հեռագիր, որոնք Կարուզոյի կողմից ուղղված են եղել տարբեր կանանց, ինչպես նաև հենց տենորին ուղղված նամակներ: Ենթադրվում է, որ ողջ արխիվը մուրճի հարվածով կվաճառվի 400 հազար դոլարով: 

Նամակները թվագրված են 1897-1908թթ. և 1912-1921թթ.-ին: Նրանցից 22-ը Կարուզոյի գաղտնի սիրուհի Վինա Վելասկեսից են, որոնք գրված են իտալերենով, իսպաներենով և ֆրանսերենով: 

Աճուրդում կներկայացվեն նաև Կարուզոյի նամակներն՝ ուղղված կնոջը և նրա քրոջը, ում հետ տենորը ևս սիրավեպ է ունեցել: