Լինելով թույլ սեռ՝ կարող ենք շատ ուժեղ ու վճռական լինել, քան տղամարդիկ. Լյուդմիլա Սարգսյան

Operativ.am-ի թղթակցի հետ զրույցում ՀԱԿ խմբակցության պատգամավոր  Լյուդմիլա Սարգսյանը նշեց.

-Ինձ համար Մարտի 8-ը շատ մեծ խորհուրդ ունի, քանի որ տարիներ շարունակ մենք մեծարել ենք այդ օրը մեր մայրերին ու քույրերին: Եթե չեմ սխալվում 1910 թվականին է ընդունվել մարտի ութը որպես միջազգային տոն. ես գտնում եմ, որ այդ պահից սկսած կինը սկսեց գիտակցել իր դերն այս կյանքում և առ այսօր մենք պայքարում ենք այդ դերն ավելի արտահայտված և տեսանելի դարձնելու համար. հույս ունեմ, որ մի օր տղամարդիկ էլ կհասկանան կանանց դերը ժողովրդի և պետության կյանքում:

Այն հարցին, թե արդյո՞ք վերջին տարիներին հայ հասարակության մեջ չի՞ փոխվել մարդկանց վերաբերմունքը դեպի կինը, Սարգսյանը պատասխանեց.

-Ես կարծում եմ, որ տղամարդիկ չեն փոխել, մենք ինքներս ենք փոխել այդ վերաբերմունքը,  կարողացել ենք ցույց տալ, որ ամեն դեպքում թույլ սեռ լինելով հանդերձ, կարող ենք շատ ուժեղ ու վճռական լինել, քան տղամարդիկ:

Խոսելով նվերների մասին պատգամավորը նշեց.

-Նյութականը միշտ է կարևոր, բայց ոչ նվերների դեպքում. նվերն ուշադրություն է և գումարով չէ պայմանավորված, կարևորվում է, թե ինչ տրամադրությամբ է մատուցվում: