Ադրբեջանը շարունակում է զինվել. վերջինս Իսրայելից և Պակիստանից ձեռք է բերել բալիստիկ հրթիռներ

Ադրբեջանը Պակիստանից ձեռք է բերել միջին ու կարճ հեռահարության ժամանակակից բալիստիկ հրթիռներ, ինչպես նաև իսրայելական արտադրության համանման հրթիռներ: Այս մասին հայտնում են պակիստանյան լրատվամիջոցները:

Համաձայն նույն աղբյուրի` բանակցությունները դրա վերաբերյալ սկսվել են մայիսին ու ավարտվել օգոստոսին:

"Israel Military Industries" (IMI) հրթիռներն ունեն 306 մմ տրամաչափ, 3.97 մ երկարություն, մեկնարկային կշիռը՝ 450 կգ, իսկ մարտական մասի քաշը՝ 125 կգ:

Պակիստանյան «Շահին-1» հրթիռը կարող է իր թիրախը ոչնչացնել  750 կմ հեռավորությունից,  «Խատֆ»-ը «Շահին-1» հրթիռի կատարելագործված տեսակն է՝ մեծ հեռահարությամբ: 

«Շահին-1 Ա» կատարելագործված հրթիռի հեռահարությունը ( «Խատֆ-4») կազմում է մոտ 3000 կմ: