Իրանում տեղի ունեցած երկրաշարժից տուժել է 250 մարդ

Իրանում երկրաշարժից տուժածների թիվը հասել է 250-ի: Այս մասին հայտնում է Gazeta.ru-ն` հղում անելով  "Agence France-Presse": Փրկարարական աշխատանքները շարունակվում են: 

Հիշեցնենք, որ օգոստոսի 18-ին, ժամը 10.01-ին ՍՊԾ-ից տեղեկատվություն է ստացվել, որ տեղական ժամանակով ժամը 06.32-ին Իրան-Իրաք սահմանային գոտում' Դեհլորան քաղաքից 38 կմ արևելք, տեղի է ունեցել 6,2 մագնիտուդով երկրաշարժ, որի ուժգնությունը էպիկենտրոնային գոտում կազմել է 8 բալ:

Էպիկենտրոնի աշխարհագրական կոորդինատներն են՝ հյուսիսային լայնության 32.690 և արևելյան երկայնության 47.660:

Երկրաշարժի հիպոկենտրոնը գտնվում է 10 կմ խորության վրա:Երկրաշարժին հաջորդել է 3.2-5.7 մագնիտուդով 22 հետցնցում:

Երկրաշարժը ՀՀ տարածքում չի գրանցվել: