Մահացել է «Կնքահայրը 3» ֆիլմի դերասան Էլի Ուոլլակը

Ամերկյան դերասան Էլի Ուոլլակը, ով հայտնի է այնպիսի ֆիլմերից, ինչպիսին են «Լավ, վատ, չար» և «Հոյակապ յոթնյակ», մահացել է 98 տարեկան հասակում: Այս մասին գրում է The New York Times-ը:

Մահվան մասին լուրը թերթին հաղորդել է նրա դուստր Քեթրինը: Մահվան հետ կապված այլ մանրամասներ չկան: 

Ուոլլակը եղել է փայլուն դերասաններից մեկը, ինչպես կինոյում, այնպես էլ բեմում և հեռուստատեսությամբ: Չնայելով երկար տարիների աշխատանքին հեռուստատեսության ոլորտում, Ուոլլակը միայն 2010թ.-ին  ի վերջո ստանում  է «Օսկար» մրցանակ: 

Դերասանը խաղացել է այնպիսի ֆիլմերում, ինչպիսիք են՝ «Ինչպես գողանալ միլիոնը» և «Կնքահայրը 3» ֆիլմերը:Նա խաղացել է «Շտապ օգնություն» և  «Ստուդիա 60 Սանսեթ Սթրիփում» սերիալներում: