Առաքել Միրզոյանը ընկերուհի ունենալու ժամանակ չունի

Operativ.am-ի թղթակցի հետ զրույցում 2009 թվականի ծանրամարտի Եվրոպայի չեմպիոն Առաքել Միրզոյանը, խոսելով Վալենտինի տոնի մասին, նշեց, որ այդ օրը սիրում են այն մարդիկ, ովքեր սիրելիներ ունեն, ինչը իրեն չի վերաբերում:

Ամենահետքրքիր նամակը կամ սիրո խոստովանությունը, որ երբևէ ստացել եք՝ ծանրորդի պատասխանն այսպիսին էր.

-Ախր ժամանակ չեմ ունեցել ընկերուհի ունենալ, որ մի հատ էլ նամակ ստանամ:

Այնուհետև Առաքելը նշեց, որ իրեն ուղղված սիրո խոստավանություններ  իհարկե եղել են, սակայն դրանք եղել են հեռախոսային հաղորդագրությունների տեսքով:

Մարզիկը ինչպես սպորտի, այնպես էլ սիրո հարցում բավականին կտրուկ է.

-Ես նամակ գրել չեմ սիրում, զանգում, միանգամից ասում եմ ասելիքս. դեռ որևէ մեկը չի եղել, որ արժանանա իմ սրտի խոսքին:

-Ստացվում է՝ Ձեր սիրտը ոչ մեկին չի՞ հաջողվել գրավել:

-Դեռ ոչ, դա մի քիչ դժվար է:

-Չկա՞ մեկը, ում շնորհավորելու եք այսօր, կամ ում շնորհավորանքին սպասելու եք:

-Ուրա՞ Առաքելին տենց բախտ,- հումորով նշեց Առաքելը:

-Այդ դեպքում Ձմեռ պապիկից պետք է հարսնացու խնդրեիք:

-Ներկա պահին դրանից ավելի լուրջ բան կար խնդրելու՝ ոսկե մեդալ:

Փաստորեն ոսկե մեդալը կարևո՞ր է հարսնացուից:

-Ինձ համար ներկա պահին այո, քանի որ աշխարհի չեմպիոն չես կարող դառնալ ավելի մեծ տարիքում, իսկ մեծ տարիքում ամուսնանալ կարող ես,- նշեց ծանրորդը:

Զրուցեց Սեդա Ղուկասյանը