Այսօր շնորհավորանքներ է ստանում Դևիդ Բեքհեմը

Դևիդ Ռոբերտ Ջոզեֆ Բեքհեմ (անգլերեն՝ David Robert Joseph Beckham, մայիսի 2, 1975թ., Լոնդոն, Անգլիա), անգլիացի ֆուտբոլիստ, կիսապաշտպան։ Իր ողջ կարիերայի ընթացքում նա խաղացել է «Մանչեսթեր Յունայթեդ», «Պրեսթոն Նորթ-Էնդ», «Ռեալ Մադրիդ», «Միլան» և «Լոս Անջելես Գելաքսի» ակումբներում ինչպես նաև Անգլիայի ֆուտբոլի ազգային հավաքականում, որտեղ նա հանդիսանում է ամենաշատ հանդիպումներ անցկացրած ֆուտբոլիստներից մեկը։ Հայտնի է ստանդարտ դիրքերի և տուգանայինների իրականացման փայլուն տեխնիկայով։ 2011 թվականին Բեքհեմը ստացավ ամենաշատ վարձատրվող ֆուտբոլիստի կոչումը աշխարհում։

Բեքհեմի ֆուտբոլային կարիերան սկսվել է 1992 թվականին, երբ նա 17 տարեկան հասակում անցկացրեց իր առաջին հանդիպումը «Մանչեսթեր Յունայթեդ» ակումբի կազմում։ Նա «Մանչեսթեր Յունայթեդի» հետ գրավել է 6 չեմպիոնական տիտղոսներ՝ Անգլիայի Պրեմիեր Լիգայի, 2 անգամ Անգլիայի գավաթի և Չեմպիոնների լիգայի։ 2003 թվականին նա տեղափոխվեց «Ռեալ Մադրիդ», որտեղ հանդես եկավ չորս մրցաշրջան՝ վերջին մրցաշրջանում հաղթելով իսպանական Լա Լիգան։

2007 թվականին Բեքհեմը 32.5 մլն դոլլարի դիմաց 5 տարվա պայմանագիր կնքեց Ամերիկյան Բարձրագույն լիգայում հանդես եկեղ(MLS) «Լոս-Անջելես Գելաքսիի» հետ։ Լինելով «Գելաքսիի» խաղացող, Բեքհեմը 2009-2010 թվականներին վարձակալությամբ խաղացել է իտալական «Միլանի» կազմում։ Այնուհետև «Պարի Սեն-Ժերմենի» կազմում մեկ մրցաշրջան խաղալուց հետո Բեքհեմը ավարտեց ֆուտբոլային կարիերան։ Ըստ ՖԻՖԱ-ի վարկածի «Տարվա լավագույն ֆուտբոլիստի» կոչման քվեարկությունում, Բեքհեմը երկու անգամ զբաղեցրել է երկրորդ տեղը, իսկ 2004 թվականին նա եղել է աշխարհի ամենաբարձր վարձատրվող ֆուտբոլիստը։ Բեքհեմը առաջին բրիտանացի ֆուտբոլիստն է, ով 100 խաղ է անցկացրել ՈՒԵՖԱ-ի Չեմպիոնների Լիգայի մրցաշարում։ 2000 թվականի նոյեմբերի 15-ից նա եղել է Անգլիայի հավաքականի ավագը մինչև 2006 թվականի աշխարհի առաջնության ավարտը՝ անցկացնելով 58 խաղ ավագի թևկապով։ Դրանից հետո նա շարունակում էր հանդես գալ հավաքականի կազմում, 2008 թվականի մարտի 26-ին՝ խաղալով իր հարուրերորդ խաղը Անգլիայի հավաքականի կազմում Ֆրանսիայի դեմ։ Բեքհեմի անունը 2003-2004 թվականներինին սպորտային թեմայով ամենափնտրվածն էր Google-ում, նա դարձավ նաև ճանաչված գովազդային բրենդ, այդ թվում՝ մոդայի աշխարհում:

Բեքհեմը ամուսնացած է Spice girls խմբի վոկալիստուհի՝ Վիկտորիա Բեքհեմի (Ադամս) հետ, ունի երեք տղա՝ Բրուկլին Ջոզեֆը, Ռոմեո Ջեյմսը, Կրուզ Դեվիդը և մեկ աղջիկ՝ Հարպեր Սեվենը։