Ադրբեջանցիները Ղարաբաղի բնիկ ժողովուրդն են. Ինչը՞ ստիպեց ռուս լրագրողին հակահայ և իրարմերժ տեսակետներ արտահայտել՝ Ղարաբաղի հետ կապված

Հայտնի ռուս լրագրող, հասարակական գործիչ Մաքսիմ Շևչենկոն մշտապես հանդես է գալիս վերլուծություններով, որոնք, առաջին հայացքից, աչքի են զարնում իրենց սուր քննադատական մոտիվներով: Ամիսներ առաջ նա Vesti.Az-ին տված հարցարույցի ժամանակ որոշակի կանխատեսումներ էր կատարել՝ ղարաբաղյան հնարավոր պատերազմի վերսկսման և ընթացքի հետ կապված: Այս անգամ, չգիտես ինչու, վերջինիս քաղաքական կողնորոշվածությունն ու տեսակետը հակասում է նախորդին: Նա, մասնավորապես, ասել է. «Հիշեցնեմ, որ ԼՂ-ի ստատուս քվոն հաստատվել է ղարաբաղյան պատերազմի արդյունքում, որի արդյունքում սպանվել են հազարավոր մարդիկ, իսկ շատերը նաև ստիպված են եղել լքել իրենց երկիրը: Ղրիմում չեն եղել էթնիկական տարեր, ինչպես Ղարաբաղում: Ղրիմն ամբողջական խաղաղ տարածք է»:

Շեվչենկոն նշել է, որ ադրբեջանցիները Ղարաբաղի բնիկ ժողովովուրդն են: «Պետք չէ մոռանալ, որ ադրբեջանական ժողովուրդը ոչ միայն թյուրքերից է բաղկացած, այլ նրա մեջ ներառված են կովկասյան այլ ժողովուդներ ևս: Օրինակ՝ լեզգիներ: Ղարաբաղի խանությունում ապրում են այն մարդիկ, ովքեր հետագայում ձևավորել են ադրբեջանցի ազգը և իրենց անվանել ադրբեջանցիներ: Դրա համար Ղարաբաղից նրանց քշելը պարզապս հանցագործություն է և միայն նրանց վերադարձից հետո կարելի է խոսել հանրաքվե (ռեֆերենդում) անցկացնելու մասին: Առանց փախստականների վերադարձի չի կարելի ռեֆերենդում անցկացնել, քանի որ դա կլինի անօրինական»:

Իսկ այն, որ Ռուսաստանը միտումներ ունի խառնվել ԼՂ-ի կոնֆլիկտին՝ Ղրիմից հետո, ապա դա Շևչենկոն անիրատեսական համարեց: «Հասկանալի է, որ ՌԴ-ի և ՀՀ-ի ռազամական հարաբերությունները կապված են իրար հետ, քանի որ Գյումրիում են գտնվում ռուսական ռազմաբազաները: Ռուսաստանը տարածաշրջանում հանդիսանում է երաշխավոր՝ խաղաղության համար: Եվ չպետք է մոռանալ, որ ՀԱՊԿ-ն գործում է միայն այն պարագայում, եթե հարձակվեն նրա անդամ երկրներից մեկի վրա: Ղարաբաղը չի հանդիսանում Հայաստանի մաս և, հետևաբար, Ղարաբաղում պատերազմը դե յուրե հիմք չի հանդիսանում, որ ռուսական զորքերը մտնեն այնտեղ»,- ասել է Շևչենկոն:

Բացի այդ, վերջինս շեշտեց նաև այն հանգամանքը, որ Ադրբեջանը շատ կարևոր երկիր է Հարավային Կովկասում, որը վարում է անկախ քաղաքականություն, ունի սեփական բյուջեն սնուցող աղբյուր և հանդիսանում է ՌԴ-ի կարևոր գործընկերը: Այս մասին հայտնում է haqqin.az-ը: 

Հ.Գ. Քաղաքականության մեջ տեսակետները հաճախ են փոխվում, սակայն դրանց հիմքերն ու պատճառները մնում են քողարկված: Սա ևս մեկ ապացույց է, որ եթե քեզնից ինչ-որ բան է հարկավոր, ապա կպաշտպանեն և կաստվածացնեն, եթե ոչ՝ ապա կարժանացնեն նման վերաբերմունքի: