Պարուհի Ռոզել Ֆեդորովան «Հովազ» պարով զբաղեցրել է 1-ին հորիզոնականը (լուսանկարներ)
Մարտի 9-ին Ծաղկաձորում կայացավ «Retro & New Street» պարի մրցույթը, որին մասնակցել են Հայաստանի հայտնի պարային խմբերը:
9-12 տարիքային խմբում առաջին պատվավոր հորիզոնականն է զբաղեցրել 11-ամյա հաղորդավարուհի, պարուհի Ռոզել Ֆեդորովան՝ իր «Հովազ» մենապարով:
Ռոզելը պարում է 3 տարեկանից: Փոքրիկ պարուհու համար մրցույթներին 1-ին հորիզոնական զբաղեցնելը բարի ավանդույթ է դարձել:
2013թ.-ին «Նոր շունչ» պարի մրցույթում հայկական-ժողովրդական և «Հովազ» պարով նա գրավել է 1-ին տեղը: Նույն թվականին, «Վիվաթ Գավաթ» մրցույթի շրջանակներում Ռոզելը գնչուական պարով կրկին զբաղեցրել է 1-ին հորիզոնականը:
Operativ.am-ի թղթակցի հարցին, թե ինչ է տալիս իրեն այս մրցույթների մասնակցույթունը, փոքրիկ պարուհին պատասխանել է. «Ամեն անգամ մասնակցելով մրցույթների, էլ ավելի ինքնավստահ եմ դառնում: Նոր ծանոթություններ եմ ունենում թե՛ պրոֆեսիոնալ, թե՛ սկսնակ պարուհիների հետ»:
Ռոզել Ֆեդորովան երազում է դառնալ աշխարհահռչակ պրոֆեսիոնալ պարուհի, ուզում է նմանվել աշխարհառչակ մոդել Նաոմի Քեմբլին:
«Թեև համարում եմ, որ մրցույթներին ամենակարևորը մասնակցությունն է, տպավորիչ ելույթով ներկայանալը, սակայն պատվավոր հորիզոնական զբղեցնելը ոչ պակաս կարևոր ու հաճելի է: Երբ գնահատում են աշխատանքդ ու հաղթողի կոչում են շնորհում, դա պարտավորեցնում է, որ էլ ավելի լավ ներկայանաս հետագա ելույթներում»,- ավելացնում է Ռոզելը:
Հիշեցնենք, որ 2011թ.-ին Ռոզել Ֆեդորովան Թուրքիայում տեղի ունեցած «Միսս աշխարհ» գեղեցկության մրցույթում ևս զբաղեցրել է առաջին պատվավոր հորիզոնականը, որի շրջանակներում Ռոզելը ներկայացրել է «Զանգեզուր» պարը:
Opertaiv.am-ը շանորհավորում է փոքրիկ պարուհուն հաղթանակի առթիվ, մաղթում նորանոր հաղթանակներ:
Կարինե Գևորգյան