Ադրբեջանի զինուժը վիրավոր ունի

Ադրբեջանական բանակի զինծառայող, 1994-ին ծնված Էլմիր Սարդար օղլու Հուսեյնովը վիրավորվել է՝ զենքի հետ անզգույշ վարմունքի հետևանքով։ Այս մասին հայտնում է haqqin.az-ը:

Համաձայն տեղեկության՝ զինծառայողի ձեռքում պայթել է փամփուշտ, որի արդյունքում նա կորցրել է աջ ձեռքի երեք մատներն ու տեղափոխվել հոսպիտալ։ Այս լուրը նաև հաստատել է Ադրբեջանի Պաշտպանության նախարարությունը:

Փոխանցվում է, որ նա զորակոչվել է Աղջաբեդին շրջանից: