Սերժ Սարգսյանն այցելել է Վազգեն Սարգսյանի մորը
Հայաստանի նախագահ Սերժ Սարգսյանն այսօր՝ մարտի 8-ին, այցելել է «Նաիրի» բժշկական կենտրոնում գտնվող սպարապետ Վազգեն Սարգսյանի մորը՝ տիկին Գրետային: Այս մասին Operativ.am-ի թղթակցին հայտնեց «Նաիրի» ԲԿ վերակենդանացման բաժանմունքի վարիչ Անատոլի Գնունին:
Թղթկցի այն հարցին, թե ինչ վիճակում է գտնվում տիկին Գրետան ներկայում, Անատոլի Գնունին հայտնեց, որ տիկին Գրետան գտնվում է կայուն վիճակում՝ առանց բացասկան դինամիկայի: Այլ բաժանմունք տեղափոխելու մասին խոսք չկա. «Առայժմ դրա մասին մենք չենք մտածում: Նա ինտենսիվ բուժման կարիք ունի»:
Հիշեցնենք, որ մարտի 4-ին Վազգեն Սարգսյանի մայրը՝ տիկին Գրետան, տեղափոխվել էր հիվանդանոց: Հետազոտությունների արդյուքնում հայտնաբերվել էր ուղեղի արյան սուր շրջանառության խանգարման պատճառով առաջացած Իշեմիկ կաթված:
Մարիա Կոշեցյան