Երգիչ Նարեկ Մակարյանն արդեն դուրս է գրվել հիվանդանոցից

Օրեր առաջ երիտասարդ երգիչ, Հայաստանի ձայնը նախագծի 2-րդ մրցանակակիր Նարեկ Մակարյանը տեղափոխվել էր Նաիրի ԲԿ: Operativ.am-ի թղթակիցը, կապ հաստատելով երգչի հետ՝ իմանալու իր առողջական վիճակի մասին, պարզեց, որ Նարեկն արդեն դուրս է գրվել բուժհաստատությունից, բայց վերջնական ապաքինման մասին դեռ վաղ է խոսելը:

-Իսկ ի՞նչն էր, Նարե՛կ, Նաիրի ԲԿ-ում հայտնվելուդ պատճառը:
- Պատճառը սուր ինֆեկցիոն հետևանքն էր, որն առաջացել էր մեջքիս ներքևի հատվածում, ի դեպ, որը շատ շուտ հասունացավ, այնքան, որ չեմ էլ հասցրել նկատել, միայն վերջին օրերին շատ ցավ զգալով՝ դիմեցի բժշկի:

- Ինչպե՞ս ազդեց դա ստեղծագործական մտքիդ վրա, չէ՞ որ «շեդեվր» կոչված գործերը միշտ ամենաանհավանական վայրերում են ծնվում:
- Կարծում եմ, դեռ կազդի այդ ամենը գործունեությանս վրա, քանի որ դեռևս չեմ կարող ստեղծագործել, դեռ ցավեր ունեմ, բայց հենց ապաքինվեմ, շատ լավ երգեր կգրեմ ձեզ համար:

- Ինքդ վախ ունեի՞ր, որ դա որևէ կերպ կխոչընդոտի ծրագրերիդ, հետագա աշխատանքիդ:
- Վախ չունեի, թեև գիտեի, որ գործերս որոշ ժամանակ կիսատ կթողնեմ, շատ ձայնագրություններ ու նածագծեր ունեմ, որոնք կիսատ են մնացել, բայց մոտ օրերս կսկսեմ դրանք իրականացնել:

- Իսկ նախատեսված շրջագայություններ կայի՞ն, որոնք ստիպված եղար հետաձգել:
- Կան շրջագայություններ, բայց երևի ամռանը, ու կհասցնեմ լիովին ապաքինվել:

- Ինչ-որ հետագրքիր կամ զվարճալի դեպք տեղի ունեցա՞վ, որ թեև բուժհաստատությունում էիր, բայց լավ հուշեր է քեզ մոտ արթնացնում:
- Ընկերներիս հետ կապված՝ շատ լավ հուշեր կան... Նայեվ բուժանփնակազմի: Առավոտ շուտ, երբ բժիշկը գալիս էր՝ ինձ ստուգելու, իրենից առաջ դուռը ծեծեցին և ներս մտան գեղեցիկ բույքույրեր՝ մոտ 15 հոգի և շնորհավորեցին իմ Սուրբ Վալենտինը... Շատ հաճելի էր (ժպտում է):

- Ինչո՞վ է զարմացնելու մեզ մեր սիրելի երգիչը՝ արդեն առողջացած:
- Առաջին հերթին կավարտեմ իմ ձայնագրությունները, չէ՞ որ շուտով կմեկնարկի «Պրեմիերա » նախագիծը Շանթ հեռուստաընկերության եթերում, որին մասնակցում եմ նաև ես և պետք է պատրաստ լինեմ գերազանց լավ: Նաև այս տարի սպասվում են տեսահոլովակներ և լավ, հիթային երգեր, զուգերգեր, մի խոսքով՝ առաջ չընկնեմ, բայց այս տարի շատ գործ ունեմ անելու և ներկայացնելու դրանք իմ լսարանի դատին:

- Իսկ հիվանդությունդ չխոչընդոտե՞ց մասնակցությանը Պրեմիեր նախագծին:
- Ո՛չ, ո՛չ, չխոչընդոտեց, սակայն, մի փոքր հետաձգեց:

- Ի՞նչ ակնկալիքներ ունես նախագծից:
- Ակնկալիքները իմ լավ ելույթն ու նոր ու հետաքրքիր երգերս հանդիսատեսիս հավանությանն արժանացնել են, քանզի փաստը ցույց է տալիս, որ կարևոր չէ հաղթանակը, կարևորը հանդիսատեսի համակրանքն է և սերը, նախագծերը սկսվում են և ավարտվում, իսկ հանդիսատեսը միշտ քեզ հետ է:

- Էլ ի՞նչ առաջնային խնդիր ունի Նարեկ Մակարյանը՝ բացի կիսատ թողնված գործերը ապաքինվելուն պես ավարտին հասցնելուց:
- Շուտով մարտի 8-ն է, ու ես պետք է մեր սիրելի աղջիկներին անակնկալ մատուցեմ... Սպասեք ու կտեսնեք...

- Շնորհակալություն, Նարեկ, որ, թեև ոչ ամբողջապես ապաքինված, պատրաստակամորեն ու մեծ սիրով պատասխանեցիր մեր հարցերին, մաղթում ենք քեզ քաջ առողջություն, որ քո հանդիսատեսին միայն լավ լուրերով ուրախացնես և այլևս չվախեցնես:

Անուշ Կրկյաշարյան