Անչելոտին խոսել է Արսենալի դեմ առաջիկա հանդիպման մասին

Մադրիդի «Ռեալի» գլխավոր մարզիչ Կառլո Անչելոտին խոսել է Չեմպիոնների լիգայի քառորդ եզրափակիչի Լոնդոնի «Արսենալի» դեմ կայանալիք առաջին հանդիպման մասին։

««Արսենալը» շատ վտանգավոր է հարձակվելիս։ Մենք կփորձենք պաշտպանվել այնքան, որքան կարող ենք, բայց միևնույն ժամանակ կարող ենք դժվարություններ ստեղծել մրցակցի համար՝ մեր պահերը ճիշտ օգտագործելով և դիպուկ հարվածների միջոցով։ Սա խաղի շատ կարևոր ասպեկտ է»,- Armsport-ի փոխանցմամբ՝ ասել է Անչելոտին նախախաղային մամուլի ասուլիսի ժամանակ, որի խոսքերը փոխանցում է Madrid Universal-ը։

Թիմերի միջև առաջին հանդիպումը կկայանա վաղը՝ ապրիլի 8-ին, Երևանի ժամանակով՝ 23։00-ին։ Պատասխան հանդիպումը տեղի կունենա ապրիլի 16-ին։