Դավիթ Բաբայանը Բաքվի դատարանում ցուցմունք է տվել

Բաքվում շարունակվում է Արցախի ռազմաքաղաքական ղեկավարության շինծու գործերով հարուցված քրեական դատավարությունը: Այսօր դատարանում ցուցմունք է տվել Արցախի նախկին արտգործնախարար Դավիթ Բաբայանը:

Ըստ ադրբեջանական մամուլի՝ Բաբայանը հայտարարել է, որ դեմ է եղել հայերի՝ ադրբեջանական հասարակության մեջ ինտեգրմանը։

«Ինտեգրումն անհնար էր»,- հայտարարել է Բաբայանը՝ պատասխանելով մեղադրանքը պաշտպանող դատախազության ներկայացուցիչների հարցերին։